Team Chabuk-Gujarat Desk: અમદાવાદ શહેરમાં રોડ અકસ્માતના બનાવોમાં નોંધપાત્ર વધારો જોવા મળ્યો છે. શહેરમાં ફરતાં મોટા ટ્રકો અને ડમ્પરો સાથે અકસ્માતના બનાવો વધી રહ્યા છે. ત્યારે આજે સવારે શહેરના એસજી હાઈવે પર એક વિદ્યાર્થિનીનું અકસ્માતમાં મોત નિપજ્યું છે. ડમ્પર અને એક્ટિવા વચ્ચે થયેલા અકસ્માતમાં વિદ્યાર્થિનીનું ઘટના સ્થળે જ મોત નિપજ્યુ છે.
મૃતક વિદ્યાર્થિની ગણપતિ યુનિવર્સિટીમાં અભ્યાસ કરતી હોવાનું જાણવા મળ્યું છે. વિદ્યાર્થિની એસજી હાઈવે પર ઝાયડસ હોસ્પિટલ પાસેના બ્રિજ પરથી પસાર થઈ રહી હતી ત્યારે અકસ્માત સર્જાયો હતો. વિદ્યાર્થિનીએ હેલમેટ પહેર્યું હોવા છતાં અકસ્માતમાં બચી શકી નહતી.
મળતી વિગતો મુજબ, અમદાવાદના એસજી હાઈવે પર સવારે 6.30 વાગે ઝાયડસ બ્રિજ પર થયેલા અકસ્માતમાં નિકિતા પંચાલ નામની વિદ્યાર્થિનીનું મોત નિપજ્યું છે. ડમ્પરની પાછળની તરફથી એક્ટિવા ટકરાતાં વિદ્યાર્થિનીએ ઘટના સ્થળે જ અંતિમ શ્વાસ લીધા હતા. હેલ્મેટ પણ પહેર્યું હોવા છતાં વિદ્યાર્થિની બચી શકી ન હતી. વિદ્યાર્થિની ગણપત યુનિવર્સિટીમાં અભ્યાસ કરતી હોવાનું જાણવા મળ્યું છે. ઘટના અંગેની જાણ થતાં જ ગણપત યુનિવર્સિટીના પ્રોફેસર અને સ્ટાફ ઘટનાસ્થળે પહોંચી ગયા હતા.
આ અકસ્માત કેવી રીતે સર્જાયો હતો તે મામલે પોલીસ તપાસ કરી રહી છે. બ્રિજની ઉપર રોડની સાઈડમાં રેતી ભરેલું ડમ્પર ઉભુ હતું કે આગળ જઈ રહ્યું હતું તેને લઈને અસમંજસની સ્થિતિ સર્જાઈ છે. અકસ્માત બાદ ડમ્પર ચાલક ઘટનાસ્થળેથી ફરાર થઈ ગયો હતો. પોલીસ દ્વારા ઘટનાસ્થળ પર પહોંચી તપાસ શરૂ કરવામાં આવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
