Team Chabuk-Gujarat Desk: અમદાવાદના પાલડીમાં રહેતી એક યુવતી પર કોલેજના રૂમ સહિત અનેક જગ્યાએ દુષ્કર્મ આચરાયું. એક યુવકે યુવતની પ્રેમજાળમાં ફસાવી લગ્નની લાલચ આપી કોલેજના અવાવરુ રૂમમાં દુષ્કર્મ ગુજાર્યાનો આરોપ છે.
આરોપી યુવક યુવતીને આશ્રમરોડ પર આવેલી કોલેજના અવાવરુ રૂમમાં લઈ ગયો હતો. જ્યાં પોતાની હવસ સંતોષી હતી. એટલું જ નહીં ત્યારબાદ રાયપુર અને વસ્ત્રાપુર તળાવની આસપાસની હોટલોમાં લઈ જઈ અનેકવાર શરીરસબંધ બાંધ્યો હોવાનો દાવો છે. યુવતીએ લગ્નની વાત કરતા યુવકે લગ્ન કરવાનો ઈન્કાર કરી દેતા યુવતીએ યુવક વિરુદ્ધ કાગડાપીઠ પોલીસ સ્ટેશનમાં ફરિયાદ નોંધાવી છે.
પોલીસે સમગ્ર મામલે ગુનો દાખલ કરી તપાસ શરૂ કરી છે. મળતી વિગતો મુજબ પાલડીમાં રહેતી યુવતી આશ્રમરોડ સ્થિત એક કોલેજમાં અભ્યાસ કરે છે. કોલેજમાં તેની સાથે અભ્યાસ કરતા સંજય સોલંકી સાથે યુવતીને ઓળખાણ થયા બાદ સંજયે યુવતીને તે પ્રેમ કરતો હોવાનુ કહીને તેની સાથે લગ્ન કરવાની વાત કરી હતી. યુવતીએ સંજય પર વિશ્વાસ મુકી તેના પ્રેમનો સ્વીકાર કર્યો હતો. ત્યારબાદ એક દિવસે સંજયે યુવતીને કોલેજના એક અવાવરુ રૂમમાં લઈ જઈ તેની સાથે દુષ્કર્મ ગુજાર્યુ હતુ ત્યારબાદ દુષ્કર્મનો સિલસિલો ચાલુ રહ્યો હતો.
જો કે, જ્યારે યુવતીએ સંજયને લગ્નની વાત કરતા શરૂઆતમાં તેણે વાયદા આપવાનુ શરૂ કર્યુ હતુ. યુવતીએ લગ્ન માટે જીદ કરતા સંજયે ઝઘડો કરીને યુવતીને સ્પષ્ટ શબ્દોમાં લગ્ન કરવાનો ઈન્કાર કરી દીધો હતો. લગ્નનો ઈન્કાર કરતા ભાંગી પડેલી યુવતીએ કાગડાપીઠ પોલીસ સ્ટેશનમાં સંજય સોલંકી વિરુદ્ધ ફરિયાદ નોંધાવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
