Team Chabuk-Gujarat Desk: રાજ્યમાં એક બાદ એક હાર્ટ એેટેકના બનાવોથી સમગ્ર ગુજરાતના નાગરિકોમાં ચિંતા અને ભય જોવા મળી રહ્યો છે. ખાસ કરીને નાની ઉંમરમાં લોકોને હાર્ટ એટેક આવી રહ્યા છે જે સૌથી મોટું ચિંતાનું કારણ છે. આજે અમરેલીમાં ધોરણ 9માં અભ્યાસ કરતી 15 વર્ષની વિદ્યાર્થિનીનું હાર્ટ એટેકના કારણે મોત થયું છે. નાની ઉંમરમાં હાર્ટ એટેકના કારણે વિદ્યાર્થિનીનું મોત થતાં શાળા પરિવાર અને પરિવારજનોમાં શોકનું મોજું ફરી વળ્યું છે.
મળતી માહિતી પ્રમાણે, અમરેલીની શાંતાબા ગજેરા સ્કૂલમાં સાક્ષી રોજાસરા નામની વિદ્યાર્થિની ધોરણ 9માં અભ્યાસ કરતી હતી. આજે શુક્રવારે સવારે શાળામાં પરીક્ષા હતી. જેમાં સાક્ષી પણ પરીક્ષા આપી રહી હતી. આ દરમિયાન સાક્ષીની તબિયત અચાનક લથડી અને છાતીમાં દુઃખાવો શરૂ થઈ ગયો હતો. આથી સ્કૂલનો સ્ટાફ વિદ્યાર્થિનીને લઈને હોસ્પિટલ પહોંચ્યો હતો. જોકે ફરજ પરના તબીબોએ તેને મૃત જાહેર કરી હતી.
બાળકીના મોત બાદ તેના મૃતદેહને પોસ્ટ મોર્ટમ માટે ખસેડવામાં આવી છે. અચાનક વિદ્યાર્થિનીના મોતથી પરિવારના સભ્યો પણ શોકમાં ડૂબ્યા છે. મહત્વનું છે કે ભરૂચમાં 10 વર્ષની બાળકી સહિત સુરતમાં 25 વર્ષના યુવકનું પણ ગઈકાલે મોત થઈ ગયું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
