Team Chabuk-Gujarat Desk: અમદાવાદના સાણંદમાં ઝઘડામાં ઉશ્કેરાઈને પતિએ દોરીથી ગળું દબાવીને પત્નીને મોતન ઘાટ ઉતારી દીધી. પોલીસે આરોપી પતિની ધરપકડ કરી છે. આરોપી અશોક રાણાએ પોતાના 20 વર્ષના લગ્ન જીવનનો થોડી જ ક્ષણોમાં અંત લાવી દીધો હતો. તો પોતાને પણ જેલની હવા ખાવાનો વારો આવ્યો છે. પતિ પત્નીના ઝઘડામાં બે દીકરાએ પણ માતા-પિતાની છત્રછાયા ગુમાવી છે. આ હત્યા કેસમાં આરોપીને સજા મળે તેવી માગ પરિવાર કરી રહ્યો છે.
મળતી માહિતી મુજબ વિકૃત અને શંકાશીલ માનસિકતા ધરાવતા અશોક રાણા અને તેમની પત્ની ડિમ્પલ વચ્ચે અવાર નવાર ઝઘડા થતા હતા. તાજેતરમાં જ ડિમ્પલબેન પોતાના ઘરમાં કામ કરી રહ્યા હતા ત્યારે માથાના વાળમાં કલર લગાવવા બાબતે પતિ પત્ની વચ્ચે તકરાર થઈ હતી. અને ઉશ્કેરાયેલા અશોકે પત્નીને ધક્કો મારીને નીચે પાડી દીધી અને દોરી વડે ગળું દબાવીને હત્યા કરી હતી.
આ હત્યા કર્યા બાદ આરોપી પતિ પોલીસ સ્ટેશનમાં પહોંચ્યો અને પત્નીની હત્યા કરી હોવાનું કબૂલાત કરી. પોલીસે ઘટના સ્થળે પહોંચીને હત્યાનો ગુનો નોંધ્યો હતો. આ ઘટનાથી પરિવાર આઘાતમાં છે અને આરોપી અશોકને મોતની સજા મળે તેવી માગણી કરી રહ્યા છે.
20 વર્ષ પહેલાં અશોક રાણા અને ડિમ્પલબેનના લગ્ન થયા હતા. બંનેને 2 સંતાનો છે. એવી પણ વિગતો સામે આવી છે કે, આરોપી અશોક શંકાશીલ સ્વભાવના કારણે ત્રણ માસ પહેલા પણ ઝઘડો થયો હતો. આ દરમિયાન પણ આરોપી અશોકે ડિમ્પલબેનને ખુબજ માર માર્યો હતો અને ગળું દબાવીને હત્યાનો પ્રયાસ કર્યો હતો.
આ ઘટના બાદ ડિમ્પલબેન પોતાના પિયર આવી ગયા હતા. દોઢ મહિના બાદ સમાધાન થતાં ફરી તેઓ સાસરે આવ્યા હતા. જો કે, આખરે પતિના શંકાશીલ અને વિકૃત સ્વભાવનો ભોગ ડિમ્પલ બેનને બનવું પડ્યું. અને પોતાનો જીવ ગુમાવવો પડ્યો. આ કેસમાં સાણંદ પોલીસે હત્યાના ગુના હેઠળ આરોપી અશોકની ધરપકડ કરી વધુ તપાસ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
