Team Chabuk-Gujarat Desk: અરવલ્લીમાં વધુ એક યુવકનું હાર્ટએટેકથી મોત થયું છે. મોડાસાના ઇટાડી ગામના 27 વર્ષીય યુવકને હાર્ટએટેક આવતા મોત થયું છે. ચૌધરી અશિત વિનોદભાઈ નામના યુવક રાજપીપળા ખાતે LI માં ફરજ બજાવતો હતો. યુવકને રાજપીપળા ખાતે હાર્ટ અટેક આવતા સારવાર અર્થે હોસ્પિટલ ખસેડાયો હતો. સારવાર દરમિયાન યુવકનું મોત નીપજ્યું છે. 27 વર્ષીય યુવકનું મોત થતા પરિવાર પર માતમ છવાયો છે. યુવકના અવસાનથી ગામમાં શોકનો માહોલ છવાયો છે.
આ પહેલાં 16 જુલાઈએ ક્રિકેટ રમવા ગયેલા યુવકનું પણ હાર્ટ એટેકથી મોત થયું હતું. અરવલ્લીના મોડાસામાં ડીપ વિસ્તારમાં આવેલી ગોવર્ધન સોસાયટીમાં રહેતો 20 વર્ષીય પર્વ કેતનકુમાર સોની રવિવારના દિવસે ક્રિકેટ રમવા ગયો હતો. મેદાનમાં ક્રિકેટ રમતી વખતે અચાનક તેને છાતીમાં દુઃખાવો ઉપડ્યો હતો. છાતીમાં વધુ દુઃખાવો થતો હોવાથી તે મેદાન પર જ બેસી ગયો હતો. સાથી મિત્રોએ તેની આવી હાલત જોઈ તેને લઈને હોસ્પિટલ તરફ દોટ મુકી હતી. જો કે, પર્વને સારવાર મળે તે પહેલાં જ તેના ધબકારા થંભી ગયા હતા. હોસ્પિટલમાં હાજર તબીબોએ પર્વને મૃત જાહેર કર્યો હતો.
રાજ્યમાં 20થી 30 વર્ષના યુવાનોમાં હાર્ટે એટેકના કિસ્સા વધ્યા છે. 28 જૂને આણંદ જિલ્લાના ઉમરેઠ તાલુકાના ઓડ ગામમાં 22 વર્ષીય યુવક જીલ ભટ્ટનું પણ મોત થયું હતું. જે પોતાના પરિવાર સાથે રહેતો હતો અને તે અભ્યાસ પૂર્ણ થતા નડિયાદમાં મોબાઇલની દુકાનમાં મોબાઈલ રિપેરીંગનું કામ કરતો હતો. તો જીલના પિતા ચંદ્રકાંતભાઈ ટીવી રિપેરીંગનું કામ કરી પોતાના પરિવારનું ગુજરાન ચલાવી રહ્યા છે. ત્યારે 28 જૂને આશરે સવારે 8 વાગ્યાની આસપાસ જીલ સવારે ઉઠીને બાથરૂમમાં ગયો હતો. ઘણો સમય વીતી ગયો છતાય જીલ બાથરૂમની બહાર આવ્યો નહીં. જેને લઇને પરિવારજનોને આશંકા થતા બાથરૂમનો દરવાજો ખખડાવી જીલને બૂમો પાડી હતી. પરંતુ જીલનો કોઈ જવાબ ન આવ્યો ન હતો. ત્યારબાદ પરિવારજનોએ બાથરૂમનો દરવાજો તોડતાં પરિવારના સભ્યો ચોંકી ગયા હતા. કેમ કે જીલ બાથરૂમમાં બેભાન હાલતમાં પડ્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
