Team Chabuk-Gujarat Desk: છોટાઉદેપુર જિલ્લામાં આકાશી આફતના કારણે જનજીવન અસ્તવ્યસ્ત બન્યુ છે. સવારથી સાંજના 6 વાગ્યા સુધીમાં છોટાઉદેપુરમાં અનરાધાર વરસાદ વરસ્યો. સૌથી વધુ બોડેલીમાં 17 ઇંચ જેટલો વરસાદ નોંધાયો. જ્યારે જેતપુર પાવી અને ક્વાંટમાં 10-10 ઇંચ વરસાદ ખાબક્યો.
સાંબેલાધાર વરસાદના કારણે જિલ્લાના અનેક ગામ પાણીમાં તરબોળ થયા..બોડેલી, ઢોકલીયા અને અલીખેરવા ગામમાં વરસાદી પાણી ફરી વળતા લોકો મુશ્કેલીમાં મુકાયા. મકાનો, દુકાનો અને રસ્તામાં પાણી ભરાતા લોકોને ભારે હાલાકીનો સામનો કરવો પડ્યો.
મધ્ય ગુજરાતમાં મેઘતાંડવઃ છોટાઉદેપુરના બોડેલીમાં 17 ઈંચ વરસાદ, જનજીવન ઠપ, ઘરમાં ત્રણ ફૂટ સુધી પાણી ભરાયું, નદીઓ ગાંડીતૂર#bodeli #bridge pic.twitter.com/VCYDVLwoVJ
— thechabuk (@thechabuk) July 10, 2022
એટલું જ નહીં નીચાણવાળા વિસ્તારોમાં લોકોના ઘરમાં પાણી ઘૂસતા ઘરવખરી પાણીમાં પલળી ગઈ છે. બીજી તરફ ભારે વરસાદને કારણે છોટાઉદેપુરમાં બચાવ કામગીરી પૂરજોશમાં ચાલી રહી છે. જેતપુર પાવી, બોડેલી, નસવાડી અને સંખેડામાં NDRFની ટીમ ખડેપગે છે.
નસવાડીના કાળીડોળીથી રાજબોડેલીના રસ્તા પર પાણી ફરી વળતા વાહચાલકો પરેશાન થયા હતા. અશ્વિન નદીમાં ઘોડાપૂર આવતા કાળીડોળીથી પસવાળીને જોડતા બ્રિજનો એપ્રોચ તૂટ્યો હતો. તો બ્રિજમાં પણ તિરાડ પડી હોવાના અહેવાલ છે.
ભારે વરસાદના પગલે રેલવે વ્યવહાર પ્રભાવિત થયો. 10 જુલાઈએ ટ્રેન નં. 09169 પ્રતાપનગર – છોટાઉદેપુર પેસેન્જર અને 09170 છોટાઉદેપુરપ્રતાપનગર પેસેન્જર બોડેલી – પાવી સ્ટેશન વચ્ચે ટ્રેક વોશઆઉટને કારણે રદ કરવામાં આવી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
