Team Chabuk-Gujarat Desk: જૂનાગઢમાં દિનપ્રતિદિન ગુનાખોરી વધી રહી છે. શહેરમાં અસામાજિક તત્વોનો ત્રાસ વધી રહ્યો હોય તેવું લાગી રહ્યું છે. શહેરમાં ત્રણ લુખ્ખા તત્વોએ એક પાણીપુરીવાળાને ઢોર માર્યો. એટલું જ નહીં તેની પાણીપુરીની લારીમાં પણ તોડફોડ કરી.
મળતી માહિતી મુજબ તાજેતરમાં જ શહેરમાં એક યુવાનની પાણી પુરીની લારી પર 3 શખ્સો ધસી આવ્યા હતા. અને દાદાગીરી કરી કહ્યું હતું કે કોઈ પાસેથી પાણીપુરીના રૂપિયા લેવાના નથી. એટલેથી ન અટકતા આ શખ્સોએ પાણીપુરીવાળાને ભૂંડી ગાળો આપી હતી અને ત્યારબાદ તેના પર પાઈપ વડે હુમલો કર્યો હતો. એટલું જ નહીં જાનથી મારી નાખવાની ધમકી પણ આપી હતી.
આ અંગેની પોલીસમાંથી મળતી વિગત મુજબ,જૂનાગઢમાં રહેતાં શેરસિંહ લચ્છીરામ કુસ્વાહાએ બી-ડિવિઝન પોલીસમાં નોંધાવેલી ફરિયાદ મુજબ, 3 શખ્સ શેરસિંહને પાણીપુરીની લારીએ આવ્યાં હતાં અને કહ્યું હતું કે પાણી પુરીના રૂપિયા કોઈ પાસેથી લેતા નહીં બાદમાં બોલાચાલી કરી હતી.અને શેરસિંહ અને અન્ય સભ્યોને ગાળો ભાંડી હતી.
ગાળો બોલવાની ના પાડતા આરોપીએ લોખંડના પાઇપ વડે હુમલો કર્યો હતો.અને લારી પર પાઇપ મારી કાચ તોડી નાંખ્યા હતા.આ ઉપરાંત અન્ય ચીજવસ્તુઓને પણ નુકસાન કર્યું હતું. હાલ પોલીસે આ 3 શખ્સ વિરૂદ્ધ ગુનો નોંધી વધુ તપાસ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
