Team Chabuk-Gujarat Desk: કોરોનામાં ક્વોરન્ટાઈન અને ખાસ અલગ રહેવું અત્યંત આવશ્યક છે જેથી વાઈરસનું સંક્રમણ ન ફેલાય પણ વડોદરામાં કોરોના જાતિય સંબંધની ઈચ્છા માટે બાધારૂપ થતાં હવે પતિ અને પત્નીનો કિસ્સો છાપે તો ચડ્યો જ છે, પણ સાથે સાથે છૂટાછેડાની કગાર પર આવીને ઊભો રહી ગયો હતો. જોકે અભયમની ટીમ ખરા ટાણે કામ આવી જતાં આ મુદ્દાનો સમાધાનરૂપી અંત આવ્યો હતો.
આ સમગ્ર ઘટના છે વડોદરાના ગોરવા કરોડિયા વિસ્તારની. અહીં એક 27 વર્ષીય મહિલા કોરોનાની ઝપેટમાં આવી ગઈ છે જેથી તે પતિ અને એક બાળકથી અલગ રૂમમાં ક્વોરન્ટાઈન થઈ છે. આ મહિલાએ અભયમમાં પતિ ત્રાસ આપતો હોવાની ફરિયાદ નોંધવતા તાત્કાલિક અભયમની ટીમ પહોંચી હતી અને અહીં તેમને સમગ્ર પરિસ્થિતિ વિષે જે જાણવા મળ્યું તેનાથી કૌતુક સર્જાયું હતું.
કોરોના મહામારીમાં પણ પરણિતાનો પતિ તેને સેક્સ કરવા માટે દબાણ કરતો હતો. જોકે પત્ની કોરોના સંક્રમિત હોવાથી નહોતી ઈચ્છતી કે તેનો ચેપ બીજાને લાગે, પણ જાતિય સંબંધ બાંધવા માટે હવાતિયાં મારતા પતિએ પત્નીને ફટકાર લગાવી હતી અને તેને ઘરેથી નીકળી જવા માટે દબાણ કર્યું હતું.
વાત અહીંથી આગળ વધતા છૂટાછેડાના દ્વારે આવીને ઊભી રહી ગઈ હતી. જેથી બાદમાં પત્નીને અભયમનું શરણ લેવું પડ્યું હતું. 181માં ફોન કરતા અભયમની ટીમ તાત્કાલિક ત્યાં પહોંચી હતી અને પરણિતાની સમગ્ર વાત સાંભળ્યા બાદ પતિની મુલાકાત લીધી હતી અને તેમની સાથે વિગતવાર વાત કરી આ ગંભીર કોયડાનો ઉકેલ લાવ્યો હતો. હાલ તો આ ઘટનાનો હેપ્પી એન્ડીંગ આવ્યો છે, પણ ઠેર ઠેર કોરોના હવે લોકોના જીવનમાં શું શું કરાવશેની વાતોએ ચર્ચા જગાવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
