Team Chabuk-Gujarat Desk: ગાંધીનગર જિલ્લા પંચાયતની આંકડા શાખામાં સવારે ભીષણ આગ લાગતા શાખામાં રાખેલા મહત્વના દસ્તાવેજો અને કમ્પ્યુટર બળીને રાખ થઈ ગયા હતા. આગ લાગવાની જાણ થતાં ફાયર વિભાગની ટીમ તાત્કાલિક ઘટના સ્થળે પહોંચી હતી અને પાણીનો મારો ચલાવી આગ પર કાબુ મેળવ્યો હતો. આગ લાગવાનું કારણ જાણવા તપાસ શરૂ કરવામાં આવી છે.
લાભપાંચમનો દિવસ ગાંધીનગર જિલ્લા પંચાયત માટે અશુભ દિન સાબિત થયો. સવારે પંચાયત કચેરી ખૂલવાના થોડા સમય અગાઉ જ પંચાયત કચેરીના પ્રથમ માળે આવેલી આંકડા શાખામાં ભીષણ આગ લાગી ગઈ હતી. આગનો કોલ મળતા જ નજીકમાં જ આવેલી ગાંધીનગર ફાયરબ્રિગેડની ટીમ તરત ઘટનાસ્થળે પહોંચી ગઈ હતી અને આગ પર કાબૂ મેળવવાના પ્રયાસ શરૂ કર્યા હતા. અને ભારે જહેમત બાદ આગ પર કાબૂ મેળવાયો હતો. ફાયરબ્રિગેડની ટીમે સમયસર પહોચીને આગ પર કાબૂ મેળવી લીધો હતો, પરંતુ જિલ્લા પંચાયતના બે વિભાગનો રેકોર્ડ તેમજ બાર જેટલાં કમ્પ્યુટર બળીને ખાખ થઈ ગયાં હતાં. સદનસીબે બીજી કોઈ જાનહાનિ થઈ ન હતી
આ દુર્ઘટનામાં પંચાયતની આંકડા શાખામાં રાખેલાં મહત્ત્વના દસ્તાવેજો, કમ્પ્યુટર તેમજ ઈલેક્ટ્રિક વાયરિંગ સંપૂર્ણ બળીને રાખ થઈ ગયા હતા.બનાવની જાણ થતાં સ્થાનિક પોલીસ તેમજ એફએસએલ નિષ્ણાતોની ટીમ પણ સ્થળ પર પહોંચી ગઈ હતી. તપાસ બાદ આગ લાગવાનું ચોક્કસ કારણ બહાર આવશે. હાલ આ મુદ્દે વધુ તપાસ શરૂ કરાઈ છે. પ્રાથમિક તપાસમાં શોર્ટ સર્કિટના કારણે આગ લાગી હોવાનું અનુમાન છે.
ગાંધીનગર જિલ્લા પંચાયતમાં આગ લાગવાની ઘટનાની જાણ થતાં જ પંચાયતમંત્રી બ્રિજેશ મેરજા પણ તાત્કાલિક ઘટનાસ્થળે પહોંચ્યા હતા. ઉચ્ચ અધિકારીઓ સાથે ઘટનાસ્થળે પહોંચેલા બ્રિજેશ મેરજાએ સ્થળ મુલાકાત કરીને ઘટનાની સમીક્ષા કરી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
