Team Chabuk-Gujarat Desk: જૂનાગઢ જિલ્લામાં ગુનાઓની ઘટના વધી રહી છે. આરોપીઓને જાણે પોલીસનો ડર ન હોય તેમ બેફામ કોઈ પર પણ હુમલો કરતા કચવાટ નથી અનુભવતા. આવી જ એક ઘટના બની છે જૂનાગઢના વંથલીમાં.
વંથલીના તાબેના ધણફુલિયા ગામે દોઢ વર્ષ પહેલા પ્રેમ લગ્નના મનદુખમાં બે પિતરાઈ ભાઈઓ પર 6 શખ્સોએ હુમલો કર્યો હતો. આરોપીઓ પિતરાઈ ભાઇઓ પર હથિયારો વડે તૂટી પડ્યા હતા જેમાં બંને ભાઈ ઈજાગ્રસ્ત થતાં તેમને હોસ્પિટલમાં લઈ જવાયા છે.
મળતી માહિતી મુજબ વંથલીથી 12 કિલોમીટર દૂર આવેલા ધણફુલિયા ગામે રહેતા ફરિયાદી આરીફ ગામેતીએ આરોપ લગાવ્યો છે કે, કારાભાઈની દીકરીને દોઢ વર્ષ પહેલા શાહનવાજ ભીખુમીયા બુખારી નામનો શખ્સ ભગાડીને લઇ ગયો હતો અને બંનેએ લગ્ન કર્યા હતા. યુવતીને ભગાડવામાં ઇબ્રાહીમ ઉર્ફે ભોલો કાસમ પલેજા, નુરમહમદ ઉર્ફે નુકો અને તેની પત્નીએ સહકાર આપ્યો હોવાનો દાવો છે.
આ ઘટના દરમિયાન ઝઘડો થયો હતો જેના મનદુ:ખમાં કારાભાઈ અને તેના માસીના દીકરા યુસુફ વાડીએ હતા ત્યારે સોનારડી ગામના નુરમહમદ ઉર્ફે નુકો કાસમ પલેજા, ઇબ્રાહીમ ઉર્ફે ભોલો કાસમ પલેજા, અબ્દુલ કાસમ પલેજા, કાદર હસન પલેજા, નુકાનો પુત્ર અને એક અજાણ્યા શખ્સ સહિત છ શખ્સોએ પાઈપ, કુહાડી લઈને ઘસી આવ્યા હતા અને કારાભાઈ અને તેની માસીના દીકરા યુસુફ ઉપર જીવલેણ હુમલો કર્યો હતો. હુમલામાં બંને યુવાનોને ગંભીર ઇજાઓ પહોંચી છે. વંથલી પોલીસ સ્ટેશનમાં ફરિયાદ નોંધાતા સમગ્ર કેસ મુદ્દેે PSI વી.કે.ઉંજીયાએ તપાસ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
