Team Chabuk-Gujarat Desk: જૂનાગઢમાં સતત બીજા દિવસે મેઘરાજાએ જમાવટ કરી. ધોધમાર વરસાદ વરસતા શહેર અને ગ્રામ્ય વિસ્તાર પાણી-પાણી થયા છે. જિલ્લામાં સૌથી વધુ માણાવદરમાં ત્રણ કલાકમાં 4 ઈંચ, વંથલીમાં 3 ઈંચ અને જૂનાગઢ શહેરમાં 2 ઈંચ વરસાદ નોંધાયો છે. શહેરોની બજારોમાં પાણી ભરાઈ જતાં લોકોને મુશ્કેલીઓનો સામનો કરવો પડ્યો.
વાવણી લાયક વરસાદથી ખેડૂતોમાં ખુશીનો માહોલ છે. સવારથી જ જિલ્લાના તમામ તાલુકાના આકાશમાં કાળાં ડિબાંગ વાદળો ઘેરાયા હતા. જે બાદ મેઘરાજાએ પધરામણી કરી હતી. ક્યાક ધીમીધારે તો ક્યાક ધોધમાર વરસાદ વરસ્યો હતો. જે બપોરે પણ અવિરત ચાલુ જોવા મળી રહ્યો છે.
માણાવદરમાં 4 ઈંચ વરસાદ#junagadh #manavadar pic.twitter.com/SsMhkmftit
— thechabuk (@thechabuk) July 2, 2022
જૂનાગઢ જિલ્લામાં સવારે 6થી 12 વાગ્યા સુધીમાં કયા તાલુકામાં કેટલો વરસાદ વરસ્યો એના પર નજર કરીએ તો માણાવદરમાં 4 ઈંચ, વંથલીમાં 3 ઈંચ, જૂનાગઢમાં 2 ઈંચ, માળિયાહાટીનામાં 2 ઈંચ, માંગરોળમાં 1 ઈંચ, વિસાવદરમાં 1 ઈંચ, મેંદરડામાં અડધો ઇંચ, કેશોદમાં (અડધો ઈંચ), ભેંસાણમાં અડધો ઈંચ વરસાદ વરસ્યો છે.
જ્યારે 12થી ત્રણ વાગ્યા સુધીમાં જૂનાગઢ શહેરમાં દોઢ ઈંચ, ભેસાણમાં 1 ઈંચ, માંગરોળમાં પોણો ઈંચ, માળિયામાં અડધો ઈંચ વરસાદ વરસ્યો.
ગિરનાર પર્વત પર મેઘરાજાની જમાવટ#girnar #Girnar #junagadh #datar #rain #nature pic.twitter.com/OlqwDo958I
— thechabuk (@thechabuk) July 2, 2022
મેઘરાજાની જમાવટના પગલે ગીરની સુંદરતા નીખરી છે. વરસાદના પગલે જંગલમાં ફરી વૃક્ષો હરિયાળા બન્યા છે. તો ડૂંગર પરથી પણ ઝરણાં જીવંત થતાં ગીરની સુંદરતામાં ચાર ચાંદ લાગ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
