Team Chabuk-Gujarat Desk: કહેવાયું છે ને કે રામ રાખે તેને કોણ ચાખે ! કેટલીક વાર એવી ઘટનાઓ બનતી હોય છે કે, પગમાં ઠેસ વાગેે અને કોઈ વ્યક્તિ પડી જાય તો પણ જીવ જતો રહે છે. જો કે, કેટલીક વાર એવું પણ બને કે ગંભીર અકસ્માતમાં પણ વ્યક્તિને સામાન્ય ઈજા પણ નથી થતી. આવી જ એક ઘટના બની છે ગઢડાના ટાટમ ગામના પુલ પર.
અહીં એક કારને અકસ્માત નડ્યો. ડ્રાઈવરે સ્ટિયરિંગ પરથી કાબૂ ગુમાવતા કાર પુલની સાઈડમાં બનેલી રેલિંગ સાથે ધડાકાભેર અથડાઈ. માત્ર અથડાઈ જ નહીં પરંતુ રેલિંગમાં ઘૂસઈ ગઈ. રેલિંગ અડધી કારમાં અને અડધી અંદર છતાં ડ્રાઈવર સહિત કારમાં સવાર પાંચેય લોકોનો આબાદ બચાવ થયો.
તસીવીર જોઈને અકસ્માતની ગંભીરતાનો અંદાજો લગાવી શકાય છે. તસવીરમાં જોઈ શકાય છે કે, કારની આગળના ભાગનો કચ્ચરઘાણ વળી ગયો છે. પ્રથમ દ્રષ્ટીએ એવું જ લાગે કે, અકસ્માતમાં કોઈએ જીવ ગુમાવ્યો હશે. જો કે, સદનસીબે એવું કઈ થયું નથી. કારમાં સવાર બે મહિલા, એક બાળક અને બે પુરૂષનો આબાદ બચાવ થયો છે.
મળતી માહિતી મુજબ અમદાવાદનો પરિવાર લગ્નપ્રસંગે ઢસા ગયો હતો. ઢસાથી કાર્યક્રમ પૂર્ણ થયા બાદ વર વધૂને આશીર્વાદ આપી પરિવાર પરત અમદાવાદ જઈ રહ્યો હતો. આ દરમિયાન ગઢડાના ટાટમ ગામ પાસે દુર્ઘટના સર્જાઈ હતી. બ્રિજની રેલિંગ સાથે કાર ધડાકાભેર અથડાતા લોકોના ટોળેટોળા એકઠાં થયા હતા અને પરિવારના સભ્યોને કારમાંથી બહાર કાઢ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
