Team Chabuk-Gujarat Desk: દેવભૂમિ દ્વારકાના જામકલ્યાણપુર તાલુકના ભાટવડિયા ગામે 13 વર્ષની બાળકી પર દુષ્કર્મ આચરનારા ઢોંગી ભૂવાને 20 વર્ષની સજા ફટકારાઈ છે. ખંભાળિયા સેસન્સ કોર્ટે દોષિત ઢોંગી ભૂવાને 20 વર્ષની કેદની સજા ફટકારી છે. સાથે જ પીડિતાને 5 હજાર રૂપિયા ચૂકવવા પણ આદેશ કર્યો છે.
ભાટવડિયા ગામે સીમથી દૂર વિસ્તારમાં એક મામા દેવનું મંદિર આવેલું હતું. આ મંદિરના કહેવાતા ભૂવાએ 2 વર્ષ પહેલાં 13 વર્ષની બાળકી પર દૂષ્કર્મ આચર્યું હતું. જેની ફરિયાદ બાળકીના માતા પિતાએ પોલીસ સ્ટેશનમાં નોંધાવી હતી. બે વર્ષ બાદ કોર્ટે આરોપીને દોષિત ઠેરવ્યો છે અને 20 વર્ષની કેદની સજા ફટકારી છે.
બે વર્ષ પહેલાં ભાટીયાથી આઠ કિલોમીટર ભાટવાડિયા ગામે બનેલી આ ઘૃણાસ્પદ ઘટનાએ ભારે ચકચાર મચાવી હતી. બે વર્ષ પહેલાં એક બીમાર બાળકીનો પરિવાર ભરત સોનગરા નામના ભૂવા પાસે લઈ ગયો હતો. દીકરીને સારું થઈ જશે તેવી આશાથી પરિવાર ભૂવા પાસે પહોંચ્યો હતો. આ દરમિયાન ઢોંગી ભૂવાએ થોડીવાર પોતાના ધતિંગ કર્યા હતા. બાદમાં બાળકીના પરિવારને કહ્યું હતું કે, બાળખીને વિધિ માટે ખેતરમાં લઈ જવી પડે એમ છે. પરિવારજનોએ જ્યારે ભૂવા સાથે જવાની વાત કરી તો ઢોંગીએ જણાવ્યું હતું કે, મામાદેવ અન્ય લોકોને સાથે આવવાની રજા નથી આપતા. ત્યારબાદ વિધિના નામે ભૂવાએ બાળકી પર દુષ્કર્મ આચર્યું હતું.
જો કે, ત્યારબાદ પરિવારને બાળકીએ સમગ્ર ઘટનાની જાણ કરતાં મામલો પોલીસ સ્ટેશને પહોંચ્યો હતો. ફરિયાદ નોંધાયા બાદ પોલીસે તાત્કાલિક આરોપીની ધરપકડ કરી લીધી હતી અને જેલ હવાલે કર્યો હતો. ત્યારબાદ ચાર્જશીટ દાખલ કરીને પૂરાવા એકઠાં કર્યા હતા. હવે ખંભાળિયા કોર્ટે ઘટનાની ગંભીરતાને ધ્યાને રાખી દોષિતને 20 વર્ષની સજા ફટકારી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
