Team Chabuk-Gujarat Desk: હોળી-ધૂળેટી તહેવાર પહેલાં ગુજરાતમાં દારૂબંધીના કડક અમલની સૂચના આપવામાં આવી છે. જે અનુસંધાને રાજકોટ ક્રાઇમ બ્રાન્ચ દ્વારા પેટ્રોલિંગ દરમિયાન બેડી ચોકડીથી સોખડા ચોકડી વચ્ચે આવેલા પૂલ પાસે સિલ્વર પાર્ક શેરી નંબર 3ના મકાનમાં દરોડો પાડ્યો હતો અને વિદેશી દારૂનો મોટો જથ્થો જપ્ત કર્યો હતો.
પોલીસ તપાસમાં સામે આવ્યું હતું કે, આ દારૂ જ્યોત્સના ઉર્ફે ખમ્મા બાબુભાઇ ચાવડાએ ઉતાર્યો હતો. જોકે, દરોડા દરમિયાન તે ઘરે હાજર મળી ન હતી. પોલીસે સ્થળ પરથી અલગ અલગ બ્રાન્ડની વિદેશી દારૂની 1,216 બોટલ જેની કિંમત રૂપિયા 5,86,400 થાય તે કબજે કરી કરી છે સાથે જ ફરાર મહિલા બુટલેગર જ્યોત્સનાની શોધખોળ શરૂ કરી છે.
આ ઉપરાંત રાજકોટ શહેરના ભક્તિનગર પોલીસની ટીમે બાતમીના આધારે એકતા કોલોની શેરી નં-4માં પણ દરોડા પાડ્યા હતા. જ્યાં ખંઢેર જેવી અવાવરૂ ઓરડી નજીકથી સમીર ઉર્ફે મરઘો યાશીન પઠાણને વિદેશી દારૂની 48,000 કિંમતની 96 બોટલ સાથે ઝડપી લીધો હતો.
ગુજરાતમાં તહેવારો આવતા જ દારૂની રેલમછેલ થતી જોવા મળે છે. તેમના પર ખાસ નજર રાખી દારૂના વેચાણ પર વોચ રાખી બુટલેગરોને પકડી પાડવા ખાસ સૂચના આપવામાં આવી છે. જેને લઈને રાજકોટ પોલીસ સતર્ક છે અને અલગ-અલગ જગ્યાએ દરોડા પાડી બુટલેગરોને ઝડપી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
