Team Chabuk-Gujarat Desk: રાજકોટ જિલ્લાના પડધરીના ખામટા ગામની સીમમાંથી સળગેલી હાલતમાં માનવ કંકાલ મળી આવતા પોલીસ દોડતી થઈ ગઈ છે. પ્રાથમિક તપાસમાં માનવ કંકાલ 17થી 30 વર્ષની યુવતીના હોવાનું તારણ છે.
મળતી માહિતી મુજબ ખામટા ગામની સીમમાં આવેલા ધારપર ખુલ્લા પ્લોટમાંથી માનવ કંકાલ મળ્યા છે. અહીં કોઈ શંકાસ્પદ ઘટના બની હોવાની વાત મજુરોએ ગામના આગેવાનોને કરી હતી. જે બાદ આગેવાનોએ પોલીસને જાણ કરતા પોલીસ ઘટનાસ્થળે પહોંચી હતી અને તપાસ શરૂ કરી હતી.
સમગ્ર મામલે પડધરી પોલીસે આઇપીસી 302 (હત્યા) અને 201 ( પુરાવાનો નાશ કરવો ) સહિતની કલમ હેઠળ ફરિયાદ નોંધી છે. ઇન્વેસ્ટીગેશન ઓફિસર જી જે ઝાલાએ જણાવ્યું હતું કે, 9 તારીખના રોજ ગ્રામજનો દ્વારા સળગેલી હાલતમાં લાશ મળી આવી હોવાની જાણ પોલીસને કરવામાં આવી હતી. સમગ્ર મામલે પોલીસ ફરિયાદી બની છે. હત્યાનું ચોક્કસ કારણ જાણવા બાબતનો રિપોર્ટ હજુ બાકી છે. હાલ તો નજીકના સ્થળની આજુબાજુ તેમજ આજુબાજુના જિલ્લાઓમાં ગુમ થયેલી યુવતીઓની યાદી મંગાવવામાં આવી છે.
પોલીસ સૂત્રોના જણાવ્યા અનુસાર ઘટના સ્થળેથી ફોરવ્હીલના નિશાન મળી આવ્યા છે. જેને લઈને પણ પોલીસે તપાસ શરૂ કરી છે. સાથે જ યુવતી કોણ છે ? શા માટે હત્યા કરી છે ? હત્યામાં કેટલા લોકો સામેલ છે જેવા કેટલાય સવાલો અંગે પોલીસ તપાસ કરી રહી છે. તપાસમાં ચોંકાવનારા ખુલાસા થાય તેવી શક્યતા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
