Team Chabuk-Gujarat Desk: રાજકોટમાં સગીરાને પેટમાં દુખાવો ઉપાડતા તેને સિવિલ હોસ્પિટલમાં સારવાર માટે ખસેડવામાં આવી હતી. જ્યાં ડોક્ટરે તપાસ કરતાં પેટમાં 5 માસનો ગર્ભ હોવાનું સામે આવતા પરિવારના પગ નીચેથી જમીન ખસી ગઈ હતી.
આ અંગે સગીરાની પૂછપરછ કરતાં તેણે ચોંકાવનારો ખુલાસો કર્યો હતો. સગીરાએ કહ્યું હતું કે, પાડોશી શખ્સે તેની સાથે ખોટું કામ કર્યું છે અને જાનથી મારી નાખવાની ધમકી પણ આપી છે.
મળતી માહિતી મુજબ રાજકોટના કાલાવડ રોડ મેટોડા નજીક જીઆઈડીસી પાસે ઓરડીમાં રહેતી સગીરાના ઘરમાં ઘુસી ધમકાવી એક શખ્સે દુષ્કર્મ આચર્યું હતું. એટલું જ નહીં શખ્સે કહ્યું હતું કે, “આ અંગે કોઈને વાત કહીશ તો તને અને તારી માતા અને બહેન પતાવી દઈશ “
હાલ સગીરાની માતાની ફરિયાદના આધારે લોધિકા પોલીસે આરોપી વિરુદ્ધ પોક્સો સહિતનો ગુનો નોંધી વધુ તપાસ શરૂ કરી છે. સગીરાને સારવાર માટે રાજકોટની હોસ્પીટલમાં ખસેડાતા સગીરાને પાંચ માસનો ગર્ભ હોવાનું તબીબે તપાસી જણાવ્યું હતું. આ અંગે તેની માતાએ પૂછપરછ કરતા પાંચેક માસ પહેલા તેના ઘર પાસે ઓરડીમાં રહેતો અને મજુરીકામ કરતો બિહારનો વિકાસ તાતી નામના શખસે ઘરમાં ઘુસી બળજબરી કરી દુષ્કર્મ આચર્યું હોવાનું સામે આવ્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
