Team Chabuk-Gujarat Desk: દિવાળીનો તહેવાર નજીક છે તેવામાં સુરત શહેરમાં દારૂની રેલમછેલ થઇ રહી હોઈ તેવું લાગી રહ્યું છે. માત્ર યુવાધન જ નહીં પરંતુ ભક્તિ કરવાની ઉંમરે પણ કેટલાક લોકો ટલ્લી થયેલા ઝડપાયા. શહેરની ઉધના પોલીસે ઉધનાથી દમણ જઇ દારૂ પીને તેમજ બસમાં સાથે દારૂ લાવનારા 34 લોકોને ઝડપી લીધા હતા. પોલીસે 21 હજારના દારૂ સાથે બસ પણ જપ્ત કરી છે.
ઉધના પોલીસને બાતમી મળી હતી કે, ઉધના ખરવરનગરથી દર રવિવારે ખાનગી બસમાં કેટલાક લોકો દમણ જઈ ત્યાંથી દારૂ લાવે છે. જેના આધારે ઉધના ત્રણ રસ્તા પાસે પોલીસ્ વોચ રાખી હતી. આ દરમિયાન ગુરૂકૃપા ટ્રાવેલ્સની બસ આવતા પોલીસે મુસાફરોનું ચેકિંગ કર્યું હતું. તપાસમાં મુસાફરો દારૂ પીધેલી હાલતમાં જણાતા બસને પોલીસ સ્ટેશને લઈ જવાઈ હતી.બસના ચેકિંગ દરમિયાન પોલીસને દારૂ-બીયરની 21 હજાર રૂપિયા કિંમતની કુલ 86 બોટલ પણ મળી હતી. સાથે બસમાં બેસેલા 34 લોકોએ દારૂ પીધો હતો.
પોલીસે દારૂ પીનારાઓમાં નવનીત જરીવાલા, વિનોદ જરીવાલા, પ્રકાશચંદ્ર બારડોલિયા, હિરાલાલ બારડોલિયા, પ્રવિણ બમ્બુવાલા, વિનોદ રાણા, વિનોદચંદ્ર જયઅંબેવાલા, ભરત જયઅંબેવાલા, પ્રફૂલ જયઅંબેવાલા, પ્રકાશ રાજપુત, ચુનીભાઈ રેશમવાલા, જયંતીભાઈ રાણા, અનીલ ચેવલી, નરેશ બારડોલિયા, અજય જરીવાલા, દિનેશ રાણા, કનૈયા રાણા, મનોજ લાલવાલા, મનીષકુમાર રૂપાવાલા, વિમલ મહાદેવવાળા, રામચંદ્ર ઘંટીવાલા, કલ્પેશ રાણા, શૈલેશ રાણા, વિપુલ પ્રવિણચંદ્ર દેગડાવાલા, સતીષ કાપડિયા, દિવ્યેશ તરોફાવાલા, હેમંત સોલંકી, દેવેન્દ્ર બારડોલિયા, ડેનીશ મહુવાગર, અનિલ રાઠોડ, નિલેશ ભાટલા, દિવ્યેશ રાઠોડ, જીગ્નેશ મહુવાગર અને વિરલ પ્રમોકુમાર વિરુદ્ધ દારૂ પીવાનો ગુનો દાખલ કરીને તમામની ધરપકડ કરી આગળની કાર્યવાહી હાથ ધરી છે.
મળતી માહિતી મુજબ ઝડપાયેલા 34 પૈકી 7 આરોપીઓ વૃદ્ધ છે. જેમની ઉંમર 60થી 80 વર્ષ સુધીની છે. આમ, મંદિરે જવાની ઉંમરે તમામને જેલમાં હાલ પોલીસે આ મુદ્દે વધુ તપાસ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
