Team Chabuk-Gujarat Desk: સુરેન્દ્રનગર જિલ્લામાં ઉંટવૈદોનો રાફડો ફાટ્યો હોય તેમ ડિગ્રી વગરના ડોક્ટરો પકડાઇ રહ્યા છે. હજુ ચુડાના ભૃગુપુર ગામેથી બોગસ ડોક્ટર પકડાયાને થોડા દિવસ જ થયા છે ત્યાં SOGએ વધુ એક બોગસ ડોક્ટર ઝડપી પાડ્યો છે.
સુરેન્દ્રનગર એસઓજી પોલીસ ટીમને મળેલી બાતમીના આધારે સાયલાના દેવગઢ ગામે દરોડા પાડ્યા હતા. જ્યાં એક વર્ષથી એક ડોક્ટર પોતાનું ક્લિનિક ચલાવતો હતો. પોલીસે તપાસ કરતાં ન તો આ બોગસ ડોક્ટર પાસેથી કોઈ ડિગ્રી મળી કે ન તો કોઈ પણ પ્રકારના સર્ટિફિકેટ મળ્યા. 1 વર્ષથી પોતે ડોક્ટર હોવાનું જણાવી લોકોના સ્વાસ્થ્ય સાથે ચેડા કરતો હતો.SOGએ બોગસ ડોક્ટર પાસેથી 31 હજાર 074ની એલોપેથી દવાઓ જપ્ત કરી ગુનો નોંધ્યો છે.
મળતી માહિતી મુજબ જિલ્લા પોલીસ વડાની સુચનાજી એસઓજી પીઆઇ વી.વી.ત્રિવેદીના માર્ગદર્શનમાં એએસઆઇ મગનભાઇ રાઠોડ, યોગેન્દ્રસિંહ, મહિપાલસિંહ, પરષોતમભાઇ સહિત ટીમ ધજાળાપોલીસ સ્ટેશન વિસ્તારમાં પેટ્રોલિંગમાં હતા આ દરમિયાન ગેરકાયદેસર ડોક્ટરની માહિતી મળી હતી.
જેના આધારે પોલીસની ટીમ સાયલાના દેવગઢ ગામે પહોંચી ગઈ ઙતી. જ્યાં જાણવા મળ્યું હતું કે, મૂળ પશ્ચીમ બંગાળનો એક રાજ મોહનેન્દો બિસ્વાહ નામનો વ્યક્તિ પોતાનું ક્લિનિક ખોલીને ધંધો કરી રહ્યો છે. પોલીસે ક્લિનિકમાં તપાસ કરતાં તેની પાસેથી કોઈ પણ જાતનું તબીબી પ્રેક્ટીસ માટેનું સર્ટી મળ્યુ ન હતુ.
પોલીસની વધુ પૂછપરછમાં સામે આવ્યું હતું કે, રાજ ડોક્ટર હોવાનુ જણાવી એક વર્ષથી લોકોની સારવાર કરી રહ્યો છે. જે જાણીને પોલીસ પણ આશ્ચર્યમાં મુકાઈ ગઈ હતી. હાલ પોલીસે બોગસ ડોક્ટરના ક્લિનિકમાંથી એલોપેથી દવાઓનો જથ્થો જપ્ત કર્યો છે અને આરોપી ડોક્ટર વિરુદ્ધ કાયદાકીય કાર્યવાહી શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
