Team Chabuk-Gujarat Desk: વેરાવળ પોલીસે દુષ્કર્મના આરોપમાં એક સ્વીમિંગ ટ્રેનરની ધરપકડ કરી છે. આરોપ છે કે, વેરાવળ શહેરની પરિણીતા સાત વર્ષ પૂર્વે ખાનગી હોટલમાં ચાલતા સ્વિમિંગના ક્લાસમાં સ્વિમિંગ શીખવા માટે ગઈ હતી. એ સમયે વડોદરાના સ્વિમિંગ ટ્રેનરે સંબંધો કેળવી પરિણીતાને મોહજાળમાં ફસાવી ધમકી આપી અનેકવાર દુષ્કર્મ આચર્યુ હતું. એટલું જ નહીં આ સમયે તેણે પીડિતાનના વીડિયો પણ બનાવી લીધા હતા.
થોડા દિવસ પહેલા બંન્નેના કામક્રીડાના અશ્લીલ વીડિયો સોશિયલ મીડિયામાં વાયરલ થયા હતા. આરોપ છે કે, આરોપી આ અશ્લીલ વીડિયો પીડિતાના પતિ અને 20 વર્ષના પુત્રને મોકલી પરેશાન કરતો હતો. હવે સમગ્ર મામલો પોલીસ સ્ટેશને પહોંચ્યો છે. વેરાવળ પોલીસે આરોપી સ્વિમિંગના ટ્રેનર વિરુદ્ધ ગુનો નોંધી ગણતરીના કલાકોમાં જ વડોદરાથી તેને ઝડપી લીધો છે.
આ અંગે એએસપી ઓમપ્રકાશ જાટે જણાવ્યું હતું કે, વેરાવળની પરિણીતાએ પોલીસમાં વડોદરા રહેતા પ્રકાશ શિમ્પી નામના સ્વીમિંગ ટ્રેનર સામે ફરીયાદ કરી છે. જેમાં તેણે જણાવ્યું છે કે, વર્ષ 2014માં વેરાવળની એક હોટલમાં સ્વિમિંગના કલાસ કરાવત પ્રકાશ શિમ્પી પાસે પીડિત પરિણીતા સ્વીમિંગ શીખવા જતી હતી. એ સમયે ટ્રેનર પ્રકાશ શિમ્પીએ ધીમે ધીમે પરીચય કેળવી પરિણીતાને પોતાની મોહજાળમાં ફસાવી એકલતાનો લાભ લઈ દુષ્કર્મ આચર્યુ હતું અને તેના વીડિયો ઉતારી લીધા હતા. બાદમાં વીડિયો વાયરલ કરવાની ધમકી આપી અનેકવાર દુષ્કર્મ આચર્યું હતું.
વધુમાં તપાસનીસ અધિકારી પીઆઈ ડી.ડી.પરમારે જણાવ્યું હતું કે, આરોપી ટ્રેનર પ્રકાશની બળજબરી વધતા અને પીડીતા તાબે ના થતા તેણે થોડા દિવસો પૂર્વે દુષ્કર્મનો વીડિયો સોશિયલ મીડિયામાં વાયરલ કર્યો હતો.
હાલમાં પોલીસે આરોપી પ્રકાશ શિમ્પી વિરુદ્ધ દુષ્કર્મ અને સાયબર ક્રાઇમની વિવિધ કલમ હેઠળ ગુન્હો નોંધ્યો છે. આરોપી મૂળ મૂળ મહારાષ્ટ્રનો છે અને વડોદરા ખાતે ખાનગી શાળામાં સ્વીમિંગ ટ્રેનર તરીકે નોકરી કરે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
