Team Chabuk-Gujarat Desk: પ્રેમમાં તો શું નું શું થઈ જાય. આવી કંઈ કેટલીય વાતો અને સમાચારો તમે સાંભળ્યા હશે પણ કોઈ દિવસ ચાર્જર માટે પ્રેમીની પીટાઈ થતી જોઈ છે? આ કિસ્સો વલસાડમાં બન્યો છે. વલસાડમાં અડધી રાત્રે પ્રેમીકાને ચાર્જર આપવા માટે ગયેલા પ્રેમીને પરિવારજનોએ લમધારી નાખ્યો હતો. પરિવારજનોનાં હાથમાં આવી ગયેલ આશિકના હાડકાં ખોખરા કરી નાખ્યાં હતાં જેથી ત્યાંથી સીધા તેને હોસ્પિટલમાં સારવાર માટે ખસેડવામાં આવ્યો હતો.
વલસાડ જિલ્લાના ડુંગરી નજીકનો આ બનાવ છે. આ સમગ્ર ઘટનાની શરૂઆત બેટરીથી થાય છે. મોબાઈલમાં પ્રેમીની પ્રેમિકા સાથે મીઠી મીઠી વાતો ચાલી રહી હતી ત્યારે વાતો વાતોમાં બેટરી ડાઉન થઈ ગઈ. પ્રેમિકાએ પ્રેમીને અડધી રાત્રે ઘર પર બોલાવ્યો હતો. જેથી પ્રેમી પોતાની ફરજના ભાગરૂપે પ્રેમિકાને ચાર્જર આપવા માટે આવ્યો હતો.
પ્રેમિકાની વાત માની પ્રેમી મારતે ઘોડે ચાર્જર આપવા માટે ઘર બાજુ આવી ગયો હતો. જોકે તેનો પાસો ઉલટો પડી ગયો હતો. રાતના ઘરની નજીક આવતા પ્રેમિકાના પરિવારજનોની ઉંઘ ઉડી ગઈ હતી અને બેટરી આશિક હાથમાં આવી ગયો હતો. આ સમગ્ર હકીકતની પરિવારજનોને જાણ થતાં તેમણે પ્રેમીને લમધારી નાખ્યો હતો. તેને ઠેર ઠેર માર પડ્યો હતો. બાદમાં તેને વલસાડની સિવિલ હોસ્પિટલ ખાતે ખસેડવામાં આવ્યો હતો.
હાલ તો પ્રેમીએ પ્રેમિકાના પરિવારના ચાર સભ્યોની વિરુદ્ધ પોલીસ ફરિયાદ નોંધાવી છે. સમગ્ર વલસાડમાં બેટરી માટે થયેલી આ માથાકૂટ ચર્ચાસ્પદ બની છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
