Team Chabuk-Sports Desk: વુમન્સ એશિયા કપમાં ભારતનો જલવો છે. ભારતે બાંગ્લાદેશના 10 વિકેટ હરાવીને મહિલા એશિયા કપની ફાઈનલમાં જગ્યા બનાવી લીધી છે. આમ, ભારતે 9મી વખત એશિયા કપની ફાઈનલમાં જગ્યા બનાવી છે.
બાંગ્લાદેશ તરફથી આપવામાં આવેલા 81 રનના ટાર્ગેટનો પીછો કરતા ભારતે એક પણ વિકેટના નુકસાન વિના 11મી ઓવરમાં 83 રન બનાવીને આ મેચ જીતી લીધી હતી. ઓપનર સ્મૃતિ મંધાનાએ નોટઆઉટ 55 રનની ઈનિંગ્સ રમી હતી, જ્યારે શેફાલી વર્માએ 26 રન બનાવીને નોટઆઉટ રહી હતી.
One step closer 👌👌
— BCCI Women (@BCCIWomen) July 26, 2024
A superb all-round performance and a comprehensive 10-wicket win for #TeamIndia👏
Scorecard ▶️ https://t.co/JwoMEaSoyn#INDvBAN | #WomensAsiaCup2024 | #ACC | #SemiFinal pic.twitter.com/iaWz32Wi4f
ઓપનર સ્મૃતિ મંધાનાએ આ ટૂર્નામેન્ટમાં અત્યાર સુધીમાં શાનદાર પ્રદર્શન કર્યું છે. મંધાનાએ ઈન્ટરનેશનલ ક્રિકેટમાં છેલ્લી 9 ઈનિંગ્સમાં 117, 136, 98, 149, 45, 13 અને 55 રન કર્યા છે.
દાંબુલા ઈન્ટરનેશનલ ક્રિકેટ સ્ટેડિયમમાં રમાયેલી મેચમાં બાંગ્લાદેશે પહેલા બેટીંગ કરતા 8 વિકેટ પર 80 રન બનાવ્યા. ભારત તરફથી રેણુકા સિંહ અને રાધા યાદવે 3-3 વિકેટ લીધી હતી. જવાબમાં ભારતે 66 બોલ પર 83 રન બનાવીને મેચને પોતાના નામે કરી હતી. ટીમ ઈંડિયાએ અજેય રહેતા ફાઈનલમાં એન્ટ્રી કરી હતી. મંધાના અને શેફાલીએ ભારતને શાનદાર શરુઆત અપાવી હતી. મંધાનાએ અડધી સદીની ઈનિંગ્સમાં 39 બોલ પર 9 ચોગ્ગા અને એક છગ્ગો લગાવ્યો હતો. શેફાલીએ 28 બોલ પર 2 ચોગ્ગા લગાવ્યા હતા.
ભારતીય ટીમ 9મી વાર મહિલા એશિયા કપની ફાઈનલમાં પહોંચી છે. ટીમ ઈંડિયા 2004, 2005,2006,2008,2012, 2016 અને 2022માં ચેમ્પિયન બની હતી. આ ઉપરાંત ભારત 2018માં ફાઈનલમાં પહોંચી હતી. ટીમ ઈંડિયા ફરી એક વાર ફાઈનલમાં પ્રવેશ કરી ચુકી છે.
Finals bound! 🔥 A clinical effort from our girls in the semis against Bangladesh! 💥 What a new ball spell by Renuka Thakur – 3 wickets for just 10 runs! 🤩 Let’s bring the trophy home, girls! 🇮🇳🏆@BCCIWomen || #WomensAsiaCup2024 || #HerStory || #INDWvBANW pic.twitter.com/KSc7psGODk
— Jay Shah (@JayShah) July 26, 2024
હવે ટીમ ઈંડિયાની ફાઈનલમાં પાકિસ્તાન અથવા શ્રીલંકા સામે ટક્કર થઈ શકે છે. પાકિસ્તાની ટીમ સેમીફાઈનલમાં મેજબાન શ્રીલંકા સાથે ટક્કર થશે. ફાઈનલ મેચ રવિવારે રમાશે.
તાજેતાજો ઘાણવો
- યુઝવેન્દ્ર ચહલ અને ધનશ્રીના છૂટાછેડાઃ ફેમિલી કોર્ટે આપ્યો ચુકાદો, બન્ને મોં પર માસ્ક પહેરી પહોંચ્યા કોર્ટ
- આગામી 100 કલાકમાં રાજ્યભરના ગુંડા તત્વોની યાદી તૈયાર કરવા વિકાસ સહાયનો આદેશ
- ભારતે ન્યૂઝીલેન્ડને હરાવી ત્રીજી વખત જીતી ચેમ્પિયન્સ ટ્રોફી, દુબઈમાં લહેરાવ્યો ત્રિરંગો
- અંબાલાલ પટેલની મોટી આગાહી, “એક તરફ હિમવર્ષા તો બીજી તરફ વધશે ગરમી”
- હોળાષ્ટકમાં ન કરતા આ કામ નહીં તો ભોગવવા પડી શકે છે ગંભીર પરિણામ
