જૂનાગઢ: ‘આ વીડિયો વાઈરલ થશે તો સમાજમાં આબરુ જશે…’ એ બીકે યુવાને આત્મહત્યા કરી લીધી

Team Chabuk-Gujarat Desk: એક વીડિયો વાઈરલ કરવાની ધમકીએ માંગરોળના ઘોડાદરના યુવાનનો જીવ લઈ લીધો. અન્ય સ્ત્રી સાથે મુલાકાત કરી હોય કોઈએ તેનો વીડિયો બનાવી લીધો હતો અને તેને વાઈરલ કરવાની ધમકી આપી હતી. જો પાંચ લાખ રૂપિયા ન આપે તો આ વીડિયો વાઈરલ કરી દે અને સમાજમાં તેની આબરુના લીરેલીરા થઈ જાય. અંતે યુવાને આત્મહત્યા કરી પોતાની જીવન લીલા સંકેલી લીધી હતી.

ઘટનાની પ્રાપ્ત વિગતો કંઈક એવી છે કે જૂનાગઢ જિલ્લાના માંગરોળ તાલુકાના ઘોડાદર ગામની મહિલાએ ગામના જ એક વ્યક્તિ ભરતભાઈ વિરમભાઈ બાલસની વિરૂદ્ધ પોલીસ ફરિયાદ નોંધાવી છે. મહિલાએ પોલીસ ફરિયાદમાં કહ્યું છે કે, તેમના પતિને એક અન્ય મહિલાની સાથે લગ્નેતર સંબંધ હતા. બંને એકબીજાને મળતા હતા. એ સમયે ભરતે મહિલાના પતિનો અન્ય સ્ત્રી સાથે હોય તેવો વીડિયો ઉતારી લીધો હતો.

ભરત યુવાનને વીડિયો વાઈરલ કરી સમાજમાં બદનામ કરવાની ધમકી આપતો હતો. એટલું જ નહીં તે પૂરાં પાંચ લાખ રૂપિયાની માગણી પણ કરતો હતો. મૃતક યુવાન ભીંસમાં મૂકાઈ ગયો હતો. તેની પાસે ભરતને આપવા માટેના પૈસા ન હોય તેણે સમાજમાં પોતાની આબરુ જાય એ બીકે આત્મહત્યા કરી લીધી હતી. પોતાના પતિનું મોત ભરતના કારણે જ થયું હોય મહિલાએ આ વ્યક્તિ વિરૂદ્ધ કાયદેસરની કાર્યવાહી થાય આ માટે પોલીસ ફરિયાદ નોંધાવી છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત