Team Chabuk-Gujarat Desk: એક જાણીતુ લોકગીત છે. મારે ટોડલે બેઠો મોર કાં બોલે ? ગીર પંથકમાંથી જે દ્રશ્યો સામે આવ્યા છે તે આ લોકગીતથી થોડા મળતા આવે છે. થોડા એટલા માટે કારણ કે અહી ટોડલો એટલે કે ઘરની છત તો છે પરંતુ તેના પર મોર નહીં સિંહણ બોલી અર્થાત ગર્જના કરી રહી છે. બીજી તરફ આ વીડિયોમાં મોરનો પણ અવાજ સંભળાઈ રહ્યો છે પરંતુ તે ટોડલા પર નથી.
ગીર સોમનાથના વેરાવળમાં સિંહોના આટાફેરા વધ્યા છે. અહીના દેવલપુર ગીર વિસ્તારમાં મોડી રાત્રે સિંહણ એક મકાનની છત પર ચડી ગઈ હતી. વીડિયોમાં જોઈ શકાય છે કે, સાંજ ઢળી ચુકી છે. મેઘરાજાએ જાણે થોડી જ વાર પહેલાં વિરામ લીધો છે. આકાશમાં કાળા ડિબાંગ વાદળો વરસીને છૂટા પડી રહ્યા છે અને આકાશ ખુલ્લુ કરી રહ્યા છે. ઘરની છત પર એક પૂંછડી મરડતી, આમ તેમ ટહેલતી જાણે કે કોઈને બોલાવી રહી હોય તેમ ગર્જના કરી રહી છે. એની ગર્જના એટલી પ્રચંડ છે કે આસપાસના ગામના લોકો પણ તેને સ્પષ્ટ સાંભળી રહ્યા હશે.
એક તરફ સિંહણ ઘરની છત પર ચઢીને ગર્જના કરી રહી છે તો બીજી તરફ મોર ટહૂકા કરી રહ્યા છે. મોરની સાથે અન્ય ચકલાંઓના અવાજ પણ આવી રહ્યા છે. આ વીડિયો ખૂબ વાયરલ થઈ રહ્યો છે. પ્રકૃતિ અને સિંહપ્રેમી આ વીડિયોને ખુબ પસંદ કરી રહ્યા છે. વાયરલ વીડિયો સાથે લોકો લખી રહ્યા છે કે, ‘લોગો કી છત પર પંછી આતે હૈ ઔર હમારી છત પર શેર !’, આ ગીર છે.
મારે ટોડલે બેઠી સિંહણ ! ‘લોગો કી છત પર પંછી આતે હૈ ઔર હમારી છત પર શેર !’, #lioness #roof #gir pic.twitter.com/GtSrzGAPfs
— thechabuk (@thechabuk) August 14, 2022
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
