Team Chabuk-Gujarat Desk: ગુજરાતમાં આવેલા અને તબાહી મચાવી ગયેલા તોકતે વાવાઝોડાની અસર બાદ ફરી એક વખત વાતાવરણમાં અનિશ્ચિતતા રહેવાની સંભાવના હવામાન વિભાગ દ્વારા વ્યક્ત કરવામાં આવી છે. આ વખતે ગુજરાતના અમદાવાદ સહિતના મોટા અગિયાર શહેરોમાં ગરમીનો પારો ઊંચો રહેતા વરસાદ પડવાની હવામાન વિભાગ દ્વારા શક્યતા સેવવામાં આવી રહી છે.
ગઈકાલે અમદાવાદ જિલ્લામાં ગરમીનું તાપમાન 38 ડિગ્રીને પાર હતું. જેથી 24 કલાકની અંદર અંદર વાતાવરણ ઉથલો મારતા વરસાદી ઝાપટા પડવાની શક્યતા હવામાન વિભાગે સેવી છે. વાત જો અમદાવાદના વાતાવરણની કરવામાં આવે તો અમદાવાદનું વાતાવરણ શનિવારના રોજ વાદળછાયું રહ્યું હતું પણ બાદમાં ગરમીએ પોતાનું જોર પકડ્યું હતું. જેથી લોકોને ઉકળાટનો સામનો કરવો પડ્યો હતો.
વચ્ચે અમદાવાદની નજીક આવેલા સુરેન્દ્રનગર જિલ્લામાં પણ ગરમીનો પારો ઊંચો રહ્યો હતો. શહેરનું તાપમાન 41.3 ડિગ્રી રહ્યું હતું. જ્યારે સૌરાષ્ટ્રના મુખ્ય શહેર રાજકોટમાં પણ ગરમીનો પારો 41.3 ડિગ્રી રહ્યો હતો. આ સિવાયના અન્ય રાજ્યોના ગરમીના પારાની જો વાત કરવામાં આવે તો….
| શહેર | તાપમાન |
| ડીસા | 40.6 |
| અમરેલી | 39.8 |
| કંડલા એરપોર્ટ | 39.7 |
| કંડલા પોર્ટ | 38.6 |
| અમદાવાદ | 38.5 |
| ગાંધીનગર | 38.5 |
| ભાવનગર | 38.4 |
| ભુજ | 38.4 |
| વલ્લભ વિધાનગર | 38.3 |
જોકે હવે સવારમાં વાદળછાયું વાતાવરણ રહ્યા બાદ દસ વાગ્યા બાદ અચાનક ગરમીમાં વધારો થઈ જાય છે. ભારે ગરમી અને ઉકળાટના કારણે હવે લોકો પણ ત્રસ્ત થઈ ગયા છે. જેથી વરસાદની આશ લગાવીને બેઠા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
