Team Chabuk-Gujarat Desk: મોરબીના ઘુંટુ ગામે ઉમા રેસિડેન્સીમાં મામાના ઘરે વેકેશન કરવા આવેલા 7 વર્ષના ભાણેજ પર્વ ભાવેશભાઈ વિડજાનું અપહરણ થયું હતું ત્યારે અપરણકર્તા બાળક સાથે જામનગરથી ઝડપાઇ ગયો છે. બાળકને એ જ વિસ્તારમાં બાલાજી પાન નામની દુકાન ધરાવતા રાજેશ ચંદુભાઇ જગોદરા ગઈ કાલ સાંજે ગોલો ખવરાવવાના બહાને અપહરણ કરીને લઈ ગયો હતો.
ભાણેજનું અપહરણ થતા પરિવારજનોમાં ચિંતા વ્યાપી ગઈ હતી. આ મામલે તેના મામા રાજેશ શામજીભાઈ જોટાણીયાએ મોરબી તાલુકા પોલીસ સ્ટેશનમાં ફરિયાદ નોંધાવતા પોલીસે જુદી જુદી 5 ટીમ બનાવી અને ઠેર ઠેર નાકા બંધી કરી હતી. ત્યારે ગત મોડી રાત્રે અપહરણ થયેલ બાળક પર્વ સાથે આરોપી રાજેશ જગોદરાને જામનગર પોલીસે ઝડપી લીધાના સમાચાર મળતા પરિવારજનો અને પોલીસને રાહત થઈ હતી.
જામનગર પોલીસે આરોપી અને બાળકને મોરબી પોલીસને સોંપ્યા હતા. આ મામલે પોલીસે આગળની કાર્યવાહી હાથ ધરી છે. અને આરોપીએ બાળકનું અપહરણ શા માટે કર્યું હતું તે અંગે પૂછપરછ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
