Team Chabuk-Gujarat Desk: વિશ્વ પ્રસિદ્ધ અંબાજી યાત્રાધામમાં દર વર્ષે સવા કરોડથી વધુ યાત્રિકો આવે છે. અંબાજી દર્શન અને આસ્થાને લઈને આવતા ભાવિકો અંબાજીમાંથી ખરીદી પણ કરે છે. જેના કારણે અંબાજીના અનેક લોકોને રોજગારી પણ પ્રાપ્ત થાય છે. પરંતુ અમુક લોકો આવા યાત્રાળુઓ સાથે માલસમાનમાં છડેચોક છેતરપિંડી કરી લૂંટતા હોવાની ફરિયાદ ઉઠી હતી. આથી ગ્રાહક સલાહ અને સુરક્ષા મંડળે ગ્રાહક બનીને સમગ્ર ભાંડો ફોડ્યો છે.
વાત જાણે એમ છે કે, અંબાજીમાં ઘર વખરીના સર સામાન વાળાઓ ગ્રાહકોને ગેરમાર્ગે દોરી લુઝ અને એક્ષપાયરીવાળી આઈટમો પેકિંગમાં પેક કરી વહેંચતા હોવાની બૂમ ઉઠી હતી.
આ અંગે ગ્રાહક સલાહ અને સુરક્ષા કેન્દ્ર અંબાજીની ઓફિસ દ્વારા આધાર પુરાવાઓ સાથે ગ્રાહકો સાથે છેતરપિંડી થાય છે તેની વિગત મળતા સત્ય હકીકત છે કે નહીં ? ખાત્રી કરવા ગ્રાહક સલાહ અને સુરક્ષા મંડળના પ્રતિનિધિએ ગ્રાહક બની અંબાજીમાં આવેલા N –Mart Plus મોલમાં વસ્તુની ખરીદી કરવા ગઈ હતી. મોલમાંથી ખરીદેલ પેકીંગ ચીજવસ્તુમાં લીગલ મેટ્રોલોજી પેકેજ્ડ કોમોડીટીઝ રુલ્સે – ૨૦૧૧ પ્રમાણે સીલબંદ પેકેજો પર સૂચવેલ નિર્દેશોનું પાલન બિલકુલ ન થતું હોવાનું સામે આવ્યું. એમજ આવી અનેક વસ્તુઓની આવી જ હાલત હતી. જેથી કાયદાનો ભંગ થતો હોય તોલ,માપ,વિજ્ઞાન અને ગ્રાહક બાબતોની કચેરી બનાસકાંઠા દ્વારા કાયદેસરની કાર્યવાહી કરી કાયદાની કલમ 18/1 મુજબ રૂપિયા 75૦૦૦/- હજારનો મોલના માલિક પાસેથી દંડ વસુલ કરી મુદ્દામાલ કબજે લીધો છે.
ગ્રાહકો એ જાગવું પડશે
ગ્રાહકો સાથે થતી છેતરપિંડી રોકવા ૧૯૮૬ માં કાયદો બનાવવામાં આવેલ હતો. તે કાયદામાં સુધારો કરવા જરૂરી લાગતા ગ્રાહક મંડળોની રજુઆતોને ધ્યાને લઈ ભારત સરકારે સુધારો કરી નવો ગ્રાહક ધારો-૨૦૧૯ બનાવેલ છે. હવે ગ્રાહકોએ પોતાના હક્કો ઉપર તરાપ બાબતે જાગવું પડશે અંતે પોતે જે પૈસાની અવેજમાં જે વસ્તુ ખરીદે છે તે તમારી સુરક્ષા કરતુ છે કે નહિ તે ધ્યાને લેવું પડશે .
ગ્રાહકોએ શુ ધ્યાન રાખવું?
ગ્રાહક સલાહ અને સુરક્ષા મંડળના પ્રમુખ વિપુલ ગુર્જરેએ જણાવ્યું હતું કે, લીગલ મેટ્રોલોજી પેકેજ્ડ કોમોડીટીઝ રુલ્સે – ૨૦૧૧ પ્રમાણે સીલબંદ પેકેજો પર નીચે પ્રમાણે ના જરૂરી નિર્દેશનો સુચવેલ છે તે ગ્રાહકોએ વસ્તુઓ ખરીદતા પ્રથમ ધ્યાને લેવા પડશે જેવા કે, પેકીંગ કરેલ ચીજવસ્તુરનું નામ /ઉત્પાદક / પેકરનું નામ, સરનામું /ઉત્પા્દન / પેકીંગ કરેલ ચીજ વસ્તુનો માસ/વર્ષ / પેકીંગ કરેલ ચીજ વસ્તુનું નેટ વજન/નંગ/મહત્તમ છૂટક વેચાણ કિંમત (તમામ કરવેરા સહિત)/કસ્ટમર કેર નંબર/email ID પણ ફરજિયાત દર્શાવવા વિગેરે વિવિધ જોગવાઈઓ તથા ધ્યાનમા રાખવા જેવી બાબતો /પેકેજ ઉપર દર્શાવેલ નિયત જથ્થા મુજબનો જથ્થો પેક કરવા/પેકેજ ઉપર છાપેલ કિંમત કરતા વધુ ભાવ ન લેવા/પેકેજ ઉપર કરેલ નિર્દેષનોમાં ચેડા ન કરવા/દરેક ચીજવસ્તુવની પેકીંગ સાઈઝ નક્કી કરવા/કોઈ પણ ચીજવસ્તુનું તેના વજન અથવા માપમાં પેકીંગ કરવા/પેકીંગ કરતા યુનિટોનું રજિસ્ટ્રેશન કરવા વિગેરે.
તાજેતાજો ઘાણવો
- પહેલગામમાં આતંકી હુમલામાં 26 પ્રવાસીઓના મોત, આતંકીઓએ નામ પૂછીને ગોળી મારી
- રાજકોટ-મુંબઈ વચ્ચે દોડશે સુપરફાસ્ટ તેજસ ટ્રેન, જાણી લો ટાઈમટેબલ
- રાજ્ય સરકારના કર્મચારીઓના મોંઘવારી ભથ્થામાં વધારો
- ઊના: સૈયદ રાજપરામાં થયેલી ઘરફોડ ચોરીનો ભેદ ઉકેલાયો, પાડોશી મહિલાએ જ કરી કળા !
- સુરેન્દ્રનગરમાં સી.યુ. શાહ ટી.બી. હોસ્પિટલની બેદરકારીના કારણે દીકરીનો જીવ ગયો હોવાનો આરોપ
