Team Chabuk-Gujarat Desk: ગુજરાતના ગીરના ડાલામથ્થા સિંહની ગર્જનાઓ હવે ફક્ત જંગલમાં સાંભળવા નથી મળતી, ક્યારેક ક્યારે ખેતરમાં ઉગી નીકળેલા પાકની વચ્ચે આટાફેરા મારતા જોવા મળી જાય છે. થોડા સમય પહેલા ગીરના કોઈ ચોક્કસ વિસ્તારનો એક વીડિયો પણ વાઈરલ થયો હતો, જેમાં અલમસ્ત સિંહ ઘાસ ઉપર ચડી કૂદકા મારી ગેલ કરતો હતો. આ તો એક જ સિંહ છે, પણ ઉનામાં એક સાથે નવ સિંહે ખેતરમાં ધામા નાખતા હવે ખેડૂતોનું ખેતરમાં કામ રઝળી પડ્યું છે.
ખેતર જ્યારે જંગમાં જીતી લીધું હોય એવી રીતે નવ-નવ સિંહ ધામા નાખીને બેઠા છે. ખેડૂતોને ખેતરમાં પાણી વાળવા જવું છે, પણ સિંહ મુસીબત બની બેઠા છે. હવે તો સિંહ જે વિસ્તારમાં આવી ચડે ત્યાં મન થાય એટલા દિવસ ચાર પગ પાથરી દિવસ આખાની આળસ મરડી બેસી જાય છે. ઉનાના ખેતરમાં ડેરો નાખીને બેસી ગયેલા આ નવ સિંહની તસવીરો સોશિયલ મીડિયા પર ભરપૂર વાઈરલ થઈ રહી છે.
થોડા સમય પહેલા ઉનાના નાંદરખ ગામમાં રાતના સમયે બાપા સીતારામના ઓટલાની નજીક સિંહે ગાયનો શિકાર કર્યો હતો. જે મારણનો વીડિયો પણ સોશિયલ મીડિયા પર સામે આવ્યો હતો. અગાઉ વાત કરી એ મુજબ જ આવું જ વેરાવળ તાલુકાના મંડોર ગામની સીમમાં પણ જોવા મળ્યું હતું. જ્યાં મગફળીના ચારા પર સિંહ આળોટતો જોવા મળ્યો હતો. એક બે સિંહ તો સમજી શકાય પણ નવ નવ સિંહ ધામા નાખે એટલે….
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
