Team Chabuk-Gujarat Desk: મોંઘવારી વધી રહી છે. જીવન જરૂરી વસ્તુઓના ભાવમાં વધારો થઈ રહ્યો છે. ખાદ્યતેલના ભાવ પણ આસમાને પહોંચ્યા છે. તેવામાં સાયલા પાસે હાઈવે પર તેલ ભરેલા ટેન્કરનો અકસ્માત થતાં તેલની નદીઓ વહી હતી અને આસપાસના વિસ્તારમાંથી લોકો વાસણો લઈને તેલ ભરવા માટે ઉમટી પડ્યા હતા.
આજે સવારના સમયે સાયલાથી ચોટીલ તરફ એક તેલ ભરેલું ટેન્કર જઈ રહ્યું હતું. આ સમયે ઢેઢુકી ગામ પાસે તેલ ભરેલા ટેન્કરનો અકસ્માત થતાં ટેન્કરમાંથી તેલ બહાર ઢોળાવા લાગ્યું હતું. રસ્તાની બાજુમાં તેલની નદીઓ વહેવા લાગી હતી. આ વાતની જાણ ગામ લોકોને થતાં હાથમાં જે વાસણ આવ્યું તે લઈને તેલ ભરવા માટે લોકોએ દોટ મૂકી હતી. કોઈ હાથમાં ડોલ લઈને આવ્યું હતું, તો કોઈ ખાલી તેલના ડબ્બા લઈને આવ્યા હતા, કોઈના હાથમાં કેરબા હતા તો કોઈના હાથમાં પાણી ભરવાના ઘડા હતા. ગામમાંથી મહિલાઓ-પુરુષો, બાળકો અને વૃદ્ધો સહિતના લોકો હાઈવે પર દોડી આવ્યા અને ઢોળાયેલા તેલને ભરી ભરીને ઘર ભેગું કરવા લાગ્યા હતા.
સાયલાના ઢેઢુકી પાસે તેલ ભરેલા ટેન્કરનો અકસ્માત થતાં લોકો તેલ ભરવા માટે ઉમટી પડ્યા#surendranagar #sayla #Oil pic.twitter.com/xALpRBtCyU
— thechabuk (@thechabuk) July 30, 2021
ગામમાંથી એટલા બધાં લોકો તેલ ભરવા માટે ઉમટી પડ્યા હતાં કે રસ્તા પર લોકોની ભીડ જમા થઈ ગઈ હતી. તેલના આસમાને પહોંચેલા ભાવની વચ્ચે આ રીતે મફતમાં મળી રહેલું તેલ લેવા મોટી સંખ્યામાં લોકો હાઈવે પર એકઠાં થઈ ગયા હતા. રસ્તાની બાજુમાં તેલના ખાડા ભરાયેલા જોઈને ગામ લોકો પોતાને રોકી શક્યા ન હતાં અને તેલ ભરીને ઘરે લઈ ગયા હતા. ઘટનાની જાણ થતાં સાયલા પોલીસની ટીમ દોડી આવી હતી અને ગામ લોકોને હટાવ્યા હતા. તેલ ભરેલા ટેન્કરનો અકસ્માત થતાં થોડીવાર માટે રસ્તા પર ટ્રાફિક જામના દ્રશ્યો પણ સર્જાયા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
