Team Chabuk-Gujarat Desk: રાજ્યમાં નાની વયે હાર્ટ એટેકથી મૃત્યુ થવાનો વધુ એક બનાવ બન્યો છે. સુરેન્દ્રનગર જિલ્લાના પાટડીમાં ભાજપના યુવા નેતાનું હાર્ટ એટેકથી મોત થયું છે. પાટડી શહેર ભાજપના ઉપપ્રમુખ અને પાટડી નગરપાલિકાના પૂર્વ કોર્પોરેટર રાજુભાઈ ઠાકોરનું હાર્ટ એટેકથી મોત થયું છે. ભાજપના યુવા નેતાનું હાર્ટ એટેકથી મોત થતાં પરિવારજનો ઉપરાંત રાજકીય આગેવાનોમાં પણ ઘેરા શોકની લાગણી વ્યાપી ગઈ છે. રાજુભાઈ ઠાકોરના નિધન બાદ ધારાસભ્ય સહિતના ભાજપના આગેવાનો પરિવારજનોને સાંત્વના આપવા પહોંચ્યા હતા.
મળતી માહિતી પ્રમાણે, પાટડી શહેર ભાજપ ઉપપ્રમુખ અને પૂર્વ કોર્પોરેટર રાજુભાઈ ઠાકોર રાત્રે મિત્રો સાથે વાતો કર્યા બાદ મોડી રાત્રે ઘરે પહોંચ્યા હતા. ત્યારબાદ તેઓને હાથમાં દુઃખાવો શરૂ થયો હતો. આથી તેઓ બાઈક લઈને પાટડીની સરકારી હોસ્પિટલમાં દવા લેવા માટે ગયા હતા. જોકે હોસ્પિટલના બાકડે જ તેમને હાર્ટ એટેક આવતા બાંકડા પર જ ઢળી પડ્યા હતા અને તેમનું મોત થયું હતું.
રાજુભાઈ ઠાકોરના નિધનથી પરિવારજનો સહિત ગામના લોકોમાં શોકની લાગણી ફેલાઈ ગઈ છે. 39 વર્ષની નાની ઉંમરે જ હાર્ટ એટેકથી રાજુભાઈ ઠાકોરનું મોત થતા પરિવારજનો આઘાતમાં સરી પડ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
