Team Chabuk-Gujarat Desk: ગીર સોમનાથ જિલ્લામાં પોલીસની દાદાગીરીનો વીડિયો સામે આવતા લોકોમાં રોષ ફેલાયો છે. વીડિયોમાં પોલીસકર્મચારી એક મહિલા સાથે ઓરમાયું વર્તન કરતાં સ્પષ્ટ નજરે પડી રહ્યા છે. વીડિયોમાં કુલ બે મહિલાઓ જોવા મળી રહી છે જ્યારે સામા પક્ષે 2થી 3 પોલીસ કર્મચારીઓ જોવા મળી રહ્યા છે. મહિલાઓ અને પોલીસ વચ્ચે ઉગ્ર બોલાચાલી થતી જોવા મળી રહી છે.
દાવો છે કે, વીડિયો ઊનાના સીમર ગામનો છે. એક વ્યક્તિએ અહીં ટ્રાફિક નિયમનો ભંગ કર્યો હતો. જે વાતને લઈને પોલીસ કર્મચારીએ તેમનું વાહન રોકાવ્યું હતું. જો કે, વાહન રોકાવ્યા બાદ પોલીસકર્મચારી અને મહિલાઓ વચ્ચે બોલાચાલી થઈ હતી. એટલું જ નહીં જ્યારે મહિલા દલિલ કરી રહી હતી ત્યારે પોલીસકર્મચારી મહિલાને ધક્કો મારી તેને માર મારવાનો પ્રયાસ પણ કરે છે. જો કે, હાજર અન્ય કર્મચારી પોલીસકર્મચારીને રોકી લે છે. ત્યારબાદ જે વ્યક્તિ વીડિયો બનાવી રહ્યો છે તેનો મોબાઈલ છીનવવાનો પણ પોલીસકર્મીએ પ્રયાસ કર્યો. હવે આ વીડિયો મુદ્દે સવાલ ઉઠ્યા છે કે, શા માટે પોલીસ કર્મચારીએ મહિલા પોલીસકર્મી ન હોવા છતાં મહિલાઓ સાથે દલીલ પર ઉતરી ગયા ? શું એક પોલીસ કર્મચારીને આવું વર્તન શોભે છે ? જો કે, વીડિયોમાં જોવા મળી રહેલા પોલીસકર્મીઓ કોણ છે તે હજુ જાણી શકાયું નથી. આ ઉપરાંત પોલીસકર્મીના હાથમાં મેમો બૂક પણ નથી તેમજ સિવિલ ડ્રેસમાં હોવાથી પણ અનેક પ્રશ્નો ઉઠી રહ્યા છે.
ઊનાના સીમરમાં પોલીસે મહિલા સાથે ગેરવર્તન કર્યાનો આક્ષેપ, વીડિયો વાયરલ#una #gir #simar #police pic.twitter.com/NwdCO15G18
— thechabuk (@thechabuk) April 12, 2022
વીડિયો વાયરલ થયા બાદ પોલીસકર્મચારીઓ વિરુદ્ધ કાર્યવાહીની પણ માગણી ઉઠી છે. એક દાવો એવો પણ છે કે, પોલીસને શંકા હતી કે, વાહનમાં દારૂ છુપાવ્યો છે જેને લઈને પોલીસે બાઈકનો પીછો કર્યો હતો. જો કે, આ વીડિયો અને વાતની ટીમ ચાબુક પુષ્ટિ નથી કરતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
