Team Chabuk-Gujarat Desk: પોરબંદરનાં અડવાણા ગામની ૧૩ મહિનાની દીકરી જેનીશ રાઠોડને ભાગ્યે જ જોવા મળતી વેસ્ટ સિન્ડ્રોમ નામની બિમારીના કારણે પોરબંદરની ખાનગી હોસ્પિટલમાં ICU લેવલની સારવાર બાળ સખા યોજના હેઠળ વિનામૂલ્યે પુરી પાડવામાં આવી છે. મોટી બિમારીનાં કારણે પરિવાર માનસિક અને આર્થિક રિતે ખેચાઇ જતાં હોય છે. સામાન્ય પરિવાર ઉપર બિમારીની આફત આવે ત્યારે આર્થિક ખર્ચ પણ બિમારી જેવી જ મુશ્કેલી સર્જે છે.
અડવાણાના રાઠોડ નિલેશભાઇના ઘરે તા.૪ ઓગસ્ટ ૨૦૨૦ના રોજ જન્મેલી જેનીશ જન્મથી વેસ્ટ સિન્ડ્રોમ નામની બિમારીથી પીડિત હોવાથી ઓછુ વજન, શ્વાસ લેવામાં તકલીફ, તાણ આચકી આવવી તથા મગજનો વિકાસ રૂંધાયેલો હતો, સામાન્ય પરિવાર એક તરફ બાળકીના જન્મથી ખુશ તો બીજી તરફ બિમારીના કારણે ચિંતિત હતો. ત્યારે RBSK ડો. જીતેન્દ્રભાઇ મારૂ અને તેની ટીમે મુખ્ય જિલ્લા આરોગ્ય અધિકારીના માર્ગદર્શન હેઠળ બાળકી જેનીશને બાળ સખા યોજના હેઠળ ખાનગી હોસ્પિટલમાં ICU લેવલની સારવાર અપાવી હતી.
આ યોજના હેઠળ બાળકના દૈનિક હોસ્પિટલ ખર્ચ રૂ. ૭ હજાર લેખે સરકાર દ્વારા ચુકવવામાં આવે છે. બાળ રોગ નિષ્ણાંત દ્વારા જેનીશની સારવાર કરવામાં આવી. હાલ, અડવાણા પી.એચ.સી ખાતે ફીજીયોથેરાપી ડો. દ્રારા સારવાર આપવામાં આવે છે. બાળ-સખા યોજના હેઠળ વિનામૂલ્યે જેનીશની સારવાર થતા જેનીશના પિતા નિલેશભાઇ તથા તેમના પરિવારે સરકારનો તથા જિલ્લા ઓરોગ્યની ટીમનો આભાર વ્યક્ત કર્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
