Team Chabuk-Gujarat Desk: મુંબઈમાં ગઈકાલે મેઘરાજાએ બોલાવેલી રમઝટ બાદ હવે ગુજરાતમાં ચોમાસાનાં વિધિવત મંડાણ થઈ ચૂક્યા છે. અત્યાર સુધી ગુજરાતમાં પ્રિ-મોન્સૂન એક્ટિવિટી ચાલતી હતી. જેના ભાગરૂપે ગુજરાતના મોટાભાગના વિસ્તારોમાં હળવાથી લઈને મધ્યમ વરસાદ પડ્યો હતો, તો ક્યાંક વાદળછાયું વાતાવરણ સર્જાયું હતું. હવે ફરી એક વખત રાજ્યમાં ચોમાસાને લઈ મહત્વના સમાચાર આવી રહ્યા છે.
હાલ ગુજરાતના વલસાડ સુધી ચોમાસુ પહોંચી ચૂક્યું છે. ધીમે ધીમે જૂનના અંત સુધીમાં સમગ્ર રાજ્યમાં ચોમાસુ પહોંચી જશે. હવામાન વિભાગ દ્વારા આજ રોજ દક્ષિણ ગુજરાતમાં ભારે વરસાદની આગાહી કરવામાં આવી છે. દક્ષિણ ગુજરાતના મહત્વના વિસ્તારો વલસાડ, નવસારી અને દાદરા નગર હવેલીમાં આજે મેઘરાજા મંડાશે. આ સિવાય તાપી અને ડાંગમાં પણ મેઘરાજાની પધરામણી થવાની છે.
ગુજરાતના મેગાસિટી અમદાવાદ અને ગાંધીનગરની જો વાત કરવામાં આવે તો આ બેઉં શહેરોમાં વાદળછાયું વાતાવરણ રહેશે. વરસાદ ન પડતા બફારો થશે. સૌરાષ્ટ્રમાં આજ રોજ હવામાન વિભાગ દ્વારા ભાવનગર, ગીર સોમનાથ અને રાજકોટમાં સામાન્ય વરસાદની આગાહી કરવામાં આવી છે. તો દરિયાકાંઠાના વિસ્તારોમાં માછીમારોને દરિયો ન ખેડવાની પાંચ દિવસ સુધી સૂચના આપવામાં આવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
