The Chabuk-Gujarat Desk: જામનગરમાં એક મોટી ટ્રેન દુર્ઘટના ટળી છે. જામનગરની હરિયા કોલેજ પાસે ટ્રેન સાથે અંદાજે 80થી 100 મીટર જેટલું સ્કૂટર ઢસડાયું. સદનસીબે આ દુર્ઘટનામાં કોઈ જાનહાનિ નથી થઈ પરંતુ ટ્રેનમાં બેસેલા લોકોના જીવ તાળવે ચોંટી ગયા હતા. બીજી તરફ સ્કૂટર ચાલક પણ માંડ-માંડ બચ્યો હતો.
આ સમગ્ર ઘટનાનો એક વીડિયો વાયરલ થયો છે. જેમાં જોઈ શકાય છે કે, એક યુવક પોતાના સ્કૂટરને ટ્રેક પરથી કાઢવાનો પ્રયાસ કરી રહ્યો છે. કોઈ કારણોસર તે સ્કૂટર લઈને ટ્રેક વચ્ચે જ ફસાયો છે. આ જ સમય દરમિયાન સામેથી ટ્રેનને આવતી પણ જોઈ શકાય છે. આ સમગ્ર ઘટના યુવકથી થોડે દૂર જ કોઈ મોબાઈલ કેમેરામાં કેદ કરી રહ્યું છે અને સાથે જ યુવકને ટ્રેક પરથી ખસી જવા બૂમો પાડી રહ્યું છે. યુવક પોતાની તમામ તાકાત સ્કૂટરને બચાવવામાં લગાવી દે છે પરંતુ સ્કૂટર ટ્રેક પરથી ખસી રહ્યું નથી. જોત જોતામાં જ ટ્રેન યુવકની એકદમ નજીક આવી જાય છે અને અંતિમ ઘડીએ યુવક ટ્રેક પરથી ખસી જાય છે. આમ, યુવકનો જીવ બચી જાય છે પરંતુ તે પોતાના સ્કૂટરને બચાવી શકતો નથી.
જામનગર રેલવે ટ્રેક પર બાઈક સાથે ફસાયો યુવક pic.twitter.com/2L6owEK2vw
— thechabuk (@thechabuk) June 10, 2021
બીજી તરફ ટ્રેન સાથે સ્કૂટર આગળ ઢસડાઈ રહ્યું છે. સદનસીબે ટ્રેન પાટા પરથી ન ઉતરી. જો આવું થયું હોત તો મોટી દુર્ઘટના સર્જાવાની પણ ભીતિ હતી. વીડિયોમાં સ્કૂટરને ટ્રેને સાથે ઢસડાતું પણ જોઈ શકાય છે. 80થી 100 ફૂટ જેટલું ઢસડાયા બાદ સ્કૂટરની હાલત પણ ખરાબ થઈ ગઈ છે.
જામનગર રેલવે ટ્રેક પર બાઈક સાથે ફસાયો યુવક pic.twitter.com/CAVv9zQawW
— thechabuk (@thechabuk) June 10, 2021
જામનગરની આ ઘટના પર અનેક સવાલો ઉઠ્યા છે. સવાલ થઈ રહ્યા છે કે યુવક ટ્રેક પર કેવી રીતે આવ્યો ? યુવકની આ હરકતથી તેના પર સોશિયલ મીડિયા પર ફિટકાર પણ વરસી રહી છે. કેટલાક લોકો કહી રહ્યા છે કે શોર્ટ કર્ટ અપનાવવામાં યુવકે કેટલાય લોકોના જીવ જોખમમાં મૂકી દીધા છે. આ વીડિયો ક્યાં દિવસનો છે તેની ધ ચાબુક પુષ્ટિ કરતું નથી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
