Team Chabuk-Gujarat-Desk: રાજકોટમાં રહેતી એક 15 વર્ષીય સગીરાના પિતાનો મોબાઈલ ફોન એક દિવસ રણક ઉઠે છે. પિતા ઉંડી ઉંઘમાં હોય છે એટલે પુત્રી ફોન ઉપાડે છે અને પુત્રી કંઈ બોલે તે પહેલા તો સામેથી અવાજ આવે છે, ‘હું તને પ્રેમ કરું છું…’ અને ફોન કપાય જાય છે.
એક સંતાનના પિતાએ 15 વર્ષની કિશોરી પર દુષ્કર્મ આચર્યાની ફરિયાદ રાજકોટ યુનિવર્સિટી રોડ પોલીસ ચોકીએ નોંધાવતા, આ નરાધમ ઢગાની ધરપકડ કરી લેવામાં આવી છે. પોલીસે આરોપી પર પોક્સો સહિતની કલમો હેઠળ ગુનો નોંધ્યો છે.
ઘટનાની પ્રાપ્ત વિગતો એવી છે કે રાજકોટ યુનિવર્સિટી રોડ ખાતે આવેલ પોલીસ મથક પર એક પિતાએ પોતાની પુત્રી પર છ મહિનાથી દુષ્કર્મ આચરાતું હોવાની ફરિયાદ દાખલ કરાવી હતી. દુષ્કર્મ આચરી હવસ સંતોષનારો બીજો કોઈ નહીં પણ ફરિયાદીના ભત્રીજાનો પાડોશી પરબત હતો. જે એક સંતાનનો પિતા છે.
પિતા પોતાની પુત્રીને પાડોશીઓને ત્યાં શોધી રહ્યા હતા. એમાં પરબતના ઘરમાં જતાં તેમના પગ તળેથી જમીન ખસી ગઈ હતી. પાડોશમાં રહેતો પરબત તેમની પુત્રીને પડખામાં લઈ, અડપલાં કરી પોતાની હવસ સંતોષી રહ્યો હતો. પિતાએ બાદમાં પુત્રીને ખખડાવી નાખી હતી અને પુત્રીએ આખી વાત રડતા કકડતા સામે રાખી દેતા નરાધમ પરબતનું પોટલું ખુલી ગયું હતું.
પુત્રીએ પિતાની સામે આખી હકીકત કંઈક આ રીતે રાખી હતી કે તેઓ સૂતા હતા ત્યારે પરબતનો ફોન આવ્યો હતો અને પ્રેમ કરે છે એમ જણાવી ફોન કાપી નાખ્યો હતો. નરાધમ પરબત આ સગીરાને વાત કરવા માટે ઘરે બોલાવતો હતો. એક દિવસ ઘરમાં કોઈ નહોતું તો પરબતે સગીરાની ઉપર દુષ્કર્મ આચર્યું હતું અને આજે પણ તે એમ જ કરતો હતો. પિતા સમકક્ષ પરબતે 15 વર્ષીય સગીરા ઉપર આચરેલા દુષ્કર્મ બાદ તેના પર ફિટકાર વરસી રહ્યો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
