Team Chabuk-Gujarat Desk: રાજકોટ-જામનગર હાઇવે પર એક ગમખ્વાર અકસ્માતની ઘટના બની છે. લગ્ન પ્રસંગમાં હાજરી આપવા જતા પરિવારને અકસ્માત નડ્યો હતો. અકસ્માતની ગોઝારી ઘટનામાં સાસુ-જમાઇનાં ઘટનાસ્થળે મોત થયાં છે, જ્યારે અન્ય ત્રણ લોકોને ગંભીર ઇજાઓ પહોંચતાં સારવાર અર્થે જામનગરની જી.જી. હોસ્પિટલમાં ખસેડવામાં આવ્યા હતા. સારવાર દરમિયાન એક બાળકનું પણ મોત થયું છે. અકસ્માતના પગલે હાઇવે પર ટ્રાફિકજામનાં દૃશ્યો સર્જાયાં હતાં. ખૂબ જ ગંભીર અકસ્માતની ઘટના બની હતી.
જામનગરનો પરિવાર હોન્ડા સિટી કારમાં મોડી રાત્રે રાજકોટ લગ્ન પ્રસંગમાં જઇ રહ્યો હતો. ધ્રોલથી આગળ જાયવા ગામ પાટિયા પાસે આવેલી આશાપુરા હોટલ સામે કાર ચાલુ ટ્રકની પાછળ ઘૂસી ગઈ હતી. અકસ્માત એટલો ગંભીર હતો કે ટ્રકની પાછળ કાર ઘૂસી જતાં કારનો ભુક્કો બોલી ગયો હતો અને ઘટનાસ્થળે પર જ કારમાં સવાર પાંચ પૈકી બે લોકોનાં મોત થયાં હતાં, જ્યારે ત્રણ લોકોને ગંભીર ઇજા પહોંચતાં સારવાર અર્થે ખસેડાયા હતા, જ્યાં એક બાળકનું મોત થયું છે.
મૃતકોમાં સાસુ-જમાઈ અને એક બાળકનો સમાવેશ થાય છે. જ્યારે એક બાળક અને એક વૃદ્ધા ગંભીર રીતે ઘાયલ થયાં છે. અકસ્માતના પગલે પોલીસ ઘટનાસ્થળે દોડી ગઈ હતી. પોલીસે ઈજાગ્રસ્તોને સારવાર માટે હોસ્પિટલમાં ખસેડ્યા હતા, જ્યારે મૃતદેહોને પીએમ અર્થે હોસ્પિટલ ખસેડ્યા હતા. પોલીસે બનાવની નોંધ કરી વધુ તપાસ હાથ ધરી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
