Team Chabuk-Gujarat Desk: દિવાળીના તહેવારનું આગમન થવા જઈ રહ્યું છે ત્યારે તેની છડી પોકારતા રાજકોટની શ્યામાપ્રસાદ મુખર્જી આર્ટ ગેલેરી ખાતે બે દિવસીય રંગોળી પ્રદર્શન યોજાયું હતું. જેમાં ધો. ૨ ના વિદ્યાર્થીથી લઈ ૪૫ વર્ષની વયના ૭૭ જેટલા કલાકારોએ બેનમૂન રંગોળીઓ બનાવી છે.
કલેકટર અરુણ મહેશ બાબુ, મ્યુ. કમિશ્નર અમિત અરોરા સહિતના મહાનુભાવોએ પ્રદર્શનની મુલાકાત લઈ કલાકારોને પ્રોત્સાહિત કર્યા હતાં.
કલાકારોની કલાને પ્રોત્સાહિત કરવાના હેતુથી પ્રતિ વર્ષની જેમ આ વખતે પણ અજંતા આર્ટ્સ ક્લાસિસ દ્વારા વર્કશોપ તેમજ રંગોળી પ્રદર્શનનું આયોજન કરવામાં આવ્યું હતું. જેમાં ૭૭ થી વધુ કલાકારો દ્વારા ૧૨૫ જેટલી રંગોળીઓ તૈયાર કરવામાં આવી હતી.
કલાકારો દ્વારા ફિલ્મ સ્ટાર્સ, રાજા મહારાજા, કોરોના વોરિયર્સ, દેશની રક્ષા કરતા જવાનો, સામાજિક સંદેશ આપતી, કલેકટર, કમિશનર, મેયર સહિતના મહાનુભાવોની આબેહૂબ રંગોળીઓ તૈયાર કરવામાં આવી હતી.
રાજકોટની કલાપ્રિય જનતાએ આર્ટ ગેલેરી ખાતે આયોજિત પ્રદર્શન રસપૂર્વક નિહાળ્યું હતું. અને રંગોળી કલાને પ્રોત્સાહન પૂરું પાડ્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
