જયેશ મુછડિયા: રાજકોટના શાપર વેરાવળ સ્થિત કારખાનામાં કામ કરતો શખ્સ પોરબંદરમાં નકલી આર્મી બની રૌફ જમાવવા જતા પોલીસે પકડ્યો હતો. ગત શનિવારે પોરબંદર પોલીસ પેટ્રોલિંગ દરમિયાન જાણવા મળ્યું કે કોઈ શખ્સ ચોપાટી પાસે આર્મીનો ગણવેશ પહેરીને આંટાફેરા મારી રહ્યો છે. તેથી પોરબંદર પોલીસ તાત્કાલિક ત્યાં જઈને તપાસ કરી તો એક શખ્સ ત્યાં આર્મીનો ગણવેશ પહેરીને આંટાફેરા મારી રહ્યો હતો બાદમાં પોરબંદર પોલીસે આ વ્યક્તિનું આઈ કાર્ડ માંગતા એ વ્યક્તિએ એવું કહ્યું કે, મારું આઈ કાર્ડ અત્યારે મારી પાસે નથી. આથી પોલીસ વધારે શંકા જતા આ શખ્સની પૂછપરછ કરતા એમણે જણાયુ હતું કે એ ધોરણ 10 જ પાસ છે.
કુતિયાણા તાલુકાના સેગરસ ગામનો રહેવાસી છે. રાજકોટ શાપર વેરાવળમાં લોધિકા રોડ પર આનંદ નગર સોસાયટીમાં ભાડાના મકાનમાં રહેતો હોવાનું કબૂલ્યું હતું. આર્મીમાં જવાનો શોખ પૂરો ન થવાને કારણે ઇન્ડિયન આર્મીનો ડ્રેસ પહેરીને ફરતા રાજકોટ જિલ્લાના શાપર વેરાવળ ખાતે રહેતા કુતિયાણા પંથકના વતની એવા સંજય ડોડીયાને પોરબંદર પોલીસે સીન સપાટા કરતો ઝડપી લીધો હતો.
પોલીસ સૂત્રોમાંથી પ્રાપ્ત થતી વિગતો અનુસાર આ મામલે સરકાર તરફે પોરબંદર એસઓજી પોલીસ સબ ઇન્સ્પેક્ટર પી.ડી.જાદવજીએ મૂળ કુતિયાણાના હાલ રાજકોટ ખાતે રહેતા સંજય ચનાભાઇ ડોડીયા સામે ફરિયાદ નોંધાવી છે. ફરિયાદ અનુસાર આરોપી ભારત સરકારની આર્મી સેવામાં પોતે સૈનિક ન હોવા છતાં પોતે એવો સૈનિક છે, એવું માનવામાં આવે એવા ઈરાદાથી સૈનિક પહેરતો હોય તેવો પોશાક પહેરી, થેલામાં સાથે રાખી જાહેરમાથી મળી આવ્યો હતો.
પોરબંદર ચોપાટી ખાતે બનેલી આ ઘટના અંગે કમલાબાગ પોલીસ સ્ટેશન ઓફિસર એસઆર મકવાણાએ ભારતીય ન્યાય સંહિતાની કલમ 168 મુજબ ગુનો દાખલ કરતા એસઓજી હેડ કોન્સ્ટેબલ બી ડી ઓડેદરાએ તપાસ હાથ ધરી છે.
તાજેતાજો ઘાણવો
- કામ વાસનાના સવાલ પર શું બોલ્યા પ્રેમાનંદ મહારાજ ? દરેક પતિ-પત્નીએ જવાબ જાણવો જોઈએ
- ભારતીય ટીમની થઈ જાહેરાત, સૂર્યકુમાર યાદવ બન્યો કેપ્ટન, શમીની વાપસી
- મોતઃ અમદાવાદમાં સ્કૂલની સીડી ચડતાં-ચડતાં 8 વર્ષની વિદ્યાર્થિની અચાનક ઢળી પડી
- દિલ્હી વિધાનસભાની ચૂંટણીનો કાર્યક્રમ જાહેરઃ 5 ફેબ્રુઆરીએ મતદાન, 8 ફેબ્રુઆરીએ પરિણામ
- મોરબીનો આ તાલુકો બન્યો દાડમ ઉત્પાદનનું હબઃ વર્ષે 100 કરોડનું ટર્ન ઓવર, વિદેશમાં થાય છે નિકાસ
