Team Chabuk-Sports Desk: ભારતીય બેટર ચેતેશ્વર પુજારાએ વધુ એક ઉપલબ્ધિ મેળવી છે. તેણે મહાન ક્રિકેટર ડૉન બ્રેડમેનનો રેકોર્ડ તોડ્યો છે. ગુજરાતી ક્રિકેટર પુજારાની આ ટેસ્ટ ક્રિકેટમાં મોટી સિદ્ધી છે. ભારત અને બાંગ્લાદેશ વચ્ચે રમાઇ રહેલી બીજી ટેસ્ટ મેચમાં ભારતના મીડલ ઓર્ડર બેટ્સમેન ચેતેશ્વર પુજારાએ આ કમાલ કરી છે. બીજી ટેસ્ટમાં 13 રન બનાવતાની સાથે જ પુજારાએ પોતાની ટેસ્ટ ક્રિકેટ કેરિયરના 7000 રન પુરા કર્યા છે. આ 13 રન બનાવતાની સાથે જ પુજારાએ ઓસ્ટ્રેલિયાના મહાન બેટ્સમેન ડૉન બ્રેડમેનનો પણ રેકોર્ડ તોડી નાંખ્યો છે.
ચેતેશ્વર પુજારાએ પોતાની ટેસ્ટ ક્રિકેટ કેરિયરમાં 97 મેચ રમી છે, અને તેમાં 44.76 ની શાનદાર એવરેજથી 7000 રન બનાવ્યા છે, તે ક્રિકેટની લીજેન્ડ અને પૂર્વ ઓસ્ટ્રેલિયન દિગ્ગજ સર ડૉન બ્રેડમેનને ટેસ્ટમાં સૌથી વધુ રન બનાવવાના મામલામાં પાછળ છોડી દીધા છે.
પુજારા 97 ટેસ્ટ મેચ રમીને 7 હજારના આંકડા સુધી પહોંચ્યો છે. ડૉન બ્રેડમેનની વાત કરીએ તો તેમને કુલ 52 ટેસ્ટ મેચ રમી હતી, અને જેમાં તેમની એવરેજ 99.94ની રહી હતી.
Cool Che 🙌🙌
— BCCI (@BCCI) December 23, 2022
7000 Test runs and counting for @cheteshwar1 👏👏#BANvIND #TeamIndia pic.twitter.com/LBaGXQIT8q
આ ભારતીય ખેલાડીઓએ પણ મેળવી છે સિદ્ધી
| બેટ્સમેન | મેચ | રન | એવરેજ |
| સચીન તેંદુલકર | 200 | 15921 | 53.78 |
| રાહુલ દ્રવિડ | 164 | 13288 | 52.31 |
| સુનીલ ગાવસ્કર | 125 | 10122 | 51.12 |
| વીવીએસ લક્ષ્મણ | 134 | 8781 | 45.97 |
| વીરેન્દ્ર સહેવાગ | 104 | 8586 | 49.34 |
| વિરાટ કોહલી | 103 | 8094 | 49.35 |
| સૌરવ ગાંગુલી | 113 | 7212 | 42.17 |
ટીમ ઇન્ડિયાનો ગુજરાતી ખેલાડી ચેતેશ્વર પુજારા હાલના સમયમાં શાનદાર ફોર્મમાં છે. જો કે, બીજી ટેસ્ટ મેચમાં તેણે ચાહકોને થોડા નિરાશ કર્યા છે. પુજારા 55 બોલ પર 24 રન બનાવી આઉટ થયો છે. બાંગ્લાદેશ વિરુદ્ધ પ્રથમ ટેસ્ટ મેચમાં પુજારાએ પ્રથમ ઇનિંગમાં 90 રન બનાવ્યા હતા, જ્યારે બીજી ઇનિંગમાં શતકીય ઇનિંગ રમી હતી, તેને અણનમ 102 રન બનાવ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
