Team Chabuk-Sports Desk: હૈદરાબાદમાં રમાઈ રહેલી ભારત-ઈંગ્લેન્ડની ટેસ્ટ મેચ રોમાંચક સ્થિતિમાં પહોંચી છે. પ્રથમ ટેસ્ટના ચોથા દિવસે ઈંગ્લેન્ડની ટીમ બીજી ઈનિંગમાં 420 રનમાં સમેટાઈ હતી. હવે ભારતને જીત માટે 231 રનની જરૂર છે.
ઈંગ્લેન્ડનો બેટર ઓલી પોપ માત્ર 4 રન માટે બેવડી સદી ચુક્યો હતો. તે 196 રન બનાવી બુમરાહની ઓવરમાં બોલ્ડ થયો હતો. ભારત તરફથી બીજી ઈનિંગમાં બુમરાહે 41 રનમાં 4, અશ્વિને 126 રનમાં 3, જાડેજાએ 131 રનમાં 2 તથા અક્ષર પટેલે 74 રનમાં 1 વિકેટ લીધી હતી.
ઇંગ્લેન્ડ ટીમના શાનદાર પ્રદર્શનથી 12 વર્ષ જૂનો રેકોર્ડ તૂટી ગયો છે. વર્ષ 2012 પછી કોઈ વિદેશી ટીમે ભારતમાં બીજી ઇનિંગમાં 300થી વધુ રન બનાવ્યા છે. ઓલી પોપ 196 રન બનાવ્યા. આ ભારતમાં 2012 પછી બીજી ઇનિંગમાં કોઈ વિદેશી બેટ્સમેનનો સર્વોચ્ચ સ્કોર છે.
A special reception for a very special innings ???? ❤️
— England Cricket (@englandcricket) January 28, 2024
Loving that grin, @OPope32 ???? #INDvENG | #EnglandCricket pic.twitter.com/OTTU3oSRX4
ઇંગ્લેન્ડના પૂર્વ કેપ્ટન એલિસ્ટર કુકે 12 વર્ષ પહેલા અમદાવાદમાં 176 રનની ઇનિંગ રમી હતી. ઓલી પોપે હવે તેની આ શાનદાર ઇનિંગ દ્વારા કુકને પાછળ છોડી દીધો છે.
ત્રીજા દિવસે ભારતીય ટીમ 436 રનમાં ઓલઆઉટ થઈ હતી. ભારત તરફથી રવિન્દ્ર જાડેજાએ સર્વાધિક 87 રન બનાવ્યા હતા, જ્યારે ઈંગ્લેન્ડ તરફથી જો રૂટે 79 રનમાં 4 વિકેટ ઝડપી હતી. અક્ષર પટેલે પણ 44 રનનું યોગદાન આપ્યું હતું. કેએલ રાહુલએ 86 રન, યશસ્વી જયસ્વાલે 80 રન બનાવ્યા હતા.ઈંગ્લેન્ડે પ્રથમ દાવમાં 246 રન બનાવ્યા હતા. આ પછી બીજા દાવમાં 420 રન બનાવ્યા હતા. જવાબમાં ટીમ ઈન્ડિયાએ પ્રથમ દાવમાં 436 રન બનાવ્યા હતા. હવે ભારતને જીતવા માટે 231 રનની જરૂર છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
