Team Chabuk-Gujarat Desk: રાજકોટ બાદ હવે ગીર સોમનાથમાં સ્પાય કેમેરાકાંડનો પર્દાફાશ થયો છે. ગીર સોમનાથના વેરાવળમાં પોશ વિસ્તારમાં એક યુવકે બાથરૂમમાં સ્પાય કેમેરા લગાવ્યા હોવાનો ખુલાસો થયો છે.
વેરાવળના 80 ફૂટ રિંગરોડ પર પોશ વિસ્તારમાં ગોપાલ વણિક નામના યુવકે પાડોશીના મકાનના બાથરૂમમાં સ્પાય કેમેરા લગાવ્યા હતા. પ્રાથમિક તપાસમાં સામે આવ્યું છે કે, આરોપીએ પીડિતાના મકાનની બાજુમાં નવું મકાન બનાવી રહ્યો હતો. આ દરમિયાન કન્ટ્રક્શન વખતે બાથરૂમની જાળીમાં સ્પાય કેમેરો લગાવ્યો હતા.
બાથરૂમમાં સ્નાન કરતી વખતે મહિલાનું ધ્યાન બારીમાં લગાવેલી શંકાસ્પદ વસ્તુ પર પડ્યું હતું. શંકાસ્પદ વસ્તુને જોતા મહિલાને ખ્યાલ આવ્યો હતો કે તે કેમેરા છે. જે બાદ તેણે ઘરના અન્ય સભ્યોને જાણ કરી હતી અને કેમેરા કાઢવાનો પ્રયાસ કર્યો હતો. જો કે, આરોપી ગોપાલ આ સમયે ત્યાં જ હતો જે કેમેરા લઈને ભાગી ગયો હતો. જે બાદ મામલો પોલીસ સ્ટેશને પહોંચ્યો હતો.
આ સમગ્ર મુદ્દે વેરાવળ પોલીસે ગોપાલ વણિક નામના યુવક વિરુદ્ધ ફરિયાદ નોંધી તેની ધરપકડ કરી છે. આરોપી વિરુદ્ધ IT એક્ટની કલમ 66 (ઈ) મુજબ ફરિયાદ નોંધી છે. આરોપીની પૂછપરછમાં ચોંકાવનારા ખુલાસા થઈ શકે છે. કેટલા સમયથી આરોપી પોતાના ગંદા ઈરાદાને અંજામ આપતો હતો અને ક્યારે કેમેરા લગાવ્યા હતા તેમજ રાજકોટની ઘટના જેમ આરોપી રૂપિયાની લાલચમાં કોઈ વેબસાઈટ પર આ વીડિયો અપલોડ કરતો હતો કે કેમ તે અંગે તપાસમાં ખુલાસો થશે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
