Team Chabuk-Gujarat Desk: નિર્લિપ્ત રાયને સ્ટેટ મોનિટરિંગ સેલમાં મૂકાયા બાદ રાજ્યભરમાં સ્ટેટ મોનિટરિંગ સેલ દ્વારા દરોડા પાડીને દારૂના વેપલા પર તવાઈ બોલાવવામાં આવી રહી છે. ત્યારે વડોદરામાં બુટલેગર પર રેડ પાડવા ગયેલી સ્ટેટ મોનિટરિંગ સેલની ટીમ પર હુમલો કરવામાં આવ્યો છે. વડોદરાના સમા વિસ્તારમાં આવેલી નવી નગરીમાં સ્ટેટ મોનિટરિંગની ટીમ બુટલેગરને ત્યાં દરોડો પાડવા ગઈ હતી ત્યારે સ્ટેટ મોનિટરિંગની ટીમ પર પથ્થરમારો કરાયો હતો અને રેડમાં ઝડપાયેલા દારૂના જથ્થાને લૂંટીને બુટલેગર ફરાર થઈ ગયો છે.
વડોદરાના સમા વિસ્તારમાં નામચીન બુટલેગર દિલીપ ઉર્ફે લાલા ડામોરના દારૂના અડ્ડા પર સ્ટેટ મોનિટરિંગ સેલની ટીમ દરોડા પાડવા પહોંચી હતી. ટીમ દ્વારા બુટલેગરને ઝડપીને દારૂનો જથ્થો જપ્ત કર્યો હતો. તે દરમિયાન અચાનક બુટલેગરના સાગરિતો અને સ્થાનિક લોકોનું ટોળું સ્થળ પર આવી પહોંચ્યું હતું અને સ્ટેટ મોનિટરિંગ સેલના પીએસઆઈ રાઠવા અને તેમની ટીમ પર હુમલો કર્યો હતો. પોલીસે ઝડપેલા દારૂનો જથ્થો અને બુટલેગરને છોડાવવામાં ટોળું સફળ રહ્યું હતું.
મળતી માહિતી પ્રમાણે સમા વિસ્તારમાં આવેલી ઉર્મી સ્કૂલ પાસેની નવી નગરીમાં દિલીપ ઉર્ફે લાલો ડામોર નામનો નામચીન બુટલેગર મોટા પાયે દારૂનો ધંધો કરી રહ્યો છે. બાતમીના આધારે સ્ટેટ મોનિટરિંગ સેલના પીએસઆઈ રાઠવા અને તેમની ટીમ કાર લઈને દરોડો પાડવા પહોંચી હતી. ત્યારે નવી નગરીમાં સ્ટેટ મોનિટરિંગ સેલના પીએસઆઈ રાઠવા અને તેમની ટીમે દારૂનો જથ્થો ઝડપીને મુદ્દામાલ કબજે કર્યો હતો. ઝડપાયેલા મુદ્દામાલની ગણતરી કરવામાં આવી રહી હતી તે દરમિયાન બુટલેગર દિલીપ ઉર્ફે લાલો ડામોરના સાગરીતોનું ટોળું એકઠું થઈ ગયું હતું. એકઠાં થયેલા ટોળાએ પોલીસની કાર પર પથ્થરમારો કર્યો હતો જેમાં પીએસઆઈ ઈજાગ્રસ્ત થયા હતા અને કારના કાચ પણ તૂટી ગયા હતા.
આ બનાવને પગલે સમા પોલીસ સ્ટેશનમાં બુટલેગર અને તેના સાગરીતો સહિતના ટોળા ઉપર ગુનો નોંધી આગળની કાર્યવાહી કરવામાં આવી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
