Team Chabuk-Gujarat Desk: સુરતની ઘોડદોડ રોડની આચમન સોસાયટીમાં શ્વાન લઈ નીકળેલા એક અગિયાર વર્ષના કિશોર પર એક 40 વર્ષનો પુરુષ તૂટી પડ્યો હતો. માર કયા કારણે અને શું ખાર રાખી મારી રહ્યો છે, તેની એ સમયે તો કોઈને ખબર નહોતી, પણ આમ વગર વાંકે છોકરા પર ભીમ બની તૂટી પડેલા આ યુવકનું કૃત્ય સીસીટીવીમાં કેદ થઈ ચૂક્યું છે.
આ ઘટના મંગળવારની રાત્રે આઠ વાગ્યાની આસપાસ બની હતી. 11 વર્ષના માસૂમને માર મારનારનું નામ વિરદેવસિંહ સરવૈયા છે અને તેની ઉંમર 40 વર્ષની છે. ઉમરા પોલીસને ફોન આવ્યા બાદ તેમણે વીરદેવસિંહને પોલીસ સ્ટેશને હાજર કર્યો હતો. જે પછી સામે એ વાત આવી રહી છે કે, વિરદેવસિંહે સોસાયટીમાં રમતા છોકરાઓને રમવાની ના પાડી હતી. એવામાં એક અગિયાર વર્ષીય છોકરો શ્વાન લઈ નીકળ્યો હતો અને તેના પર વિરદેવસિંહ તૂટી પડ્યો હતો.
કોઈ પણ જાતના વાંક વગર આ છોકરાનો વિરદેવસિંહે કાન આમળ્યો હતો. જમીન પર પાડી દીધો હતો. ઘટનાની પોલીસને જાણ કર્યા બાદ મોડી રાતે વિરદેવસિંહની અટકાયત કરવામાં આવી હતી અને બાદમાં તેને છોડી મૂકવામાં આવ્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
