Team Chabuk-Gujarat Desk: સુરતમાં બૂટલેગરો અને ગેમ્બલરો વચ્ચે થયેલી ગેંગવોરમાં માથાભારે યુવકના બંને હાથનાં કાંડા કાપી નાખવામાં આવ્યાં છે. સુરતમાં માથાભારે છાપ ધરાવતા અન્નુના ભાઈ ઉપર તલવાર વડે જીવલેણ હુમલો કરવામાં આવ્યો હતો. આ હુમલામાં અન્નુના ભાઈના બંને હાથનાં કાંડા કાપી નાખવામાં આવ્યાં હતાં. સલાબતપુરા પોલીસે આ અંગે હત્યાના પ્રયાસનો ગુનો નોંધી પિતા-પુત્રની ધરપકડ કરી લીધી હોવાનું જાણવા મળ્યું છે.
શહેરના માન દરવાજા ખાતે ગેંગવોરની ઘટના સામે આવી છે. બૂટલેગરો અને ગેમ્બલરો વચ્ચેની ગેંગવોરમાં તલવાર વડે હુમલો કરવામાં આવ્યો છે. આ હુમલામાં એક યુવકનાં કાંડાં કાપી નાખવામાં આવ્યાં છે. સુરતના માન દરવાજા ખટોદરા કોલોની ખાતે આવેલી ગાંધીનગર વસાહતમાં રહેતા બંટી સતીશ પટેલના બનેવી અને માથાભારે છાપ ધરાવતા અન્નુના નાનાભાઈ રોની ઉપર જીવલેણ હુમલો કરવામાં આવ્યો હતો.
રોની પર માન દરવાજા રેલ રાહત કોલોની પાસે ઘાતકી હુમલો કરવામાં આવ્યો હતો. કાનજી ઉર્ફે કાનો મેઘજી ગીલાતર અને તેના બે દીકરા રોહિત ઉર્ફે રાહુલ અને રાહુલ ઉર્ફે વડાપાંઉ દ્વારા તલવાર ઝીંકવામાં આવી હતી. માન દરવાજા ખાતે ગેમ્બલરની છાપ ધરાવતા બાપ-દીકરા હુમલો કરી ભાગી છૂટ્યા હતા. આ જીવલેણ હુમલામાં અન્નુના નાનાભાઈ રોનીનાં બંને કાંડાં કાપી નાખવામાં આવ્યાં હતાં.
તલવાર વડે જીવલેણ હુમલો કરી નાસી છૂટ્યા બાદ લોહીલુહાણ હાલતમાં રસ્તા પર પડેલા રોનીને સારવાર અર્થે હોસ્પિટલ ખસેડાયો હતો. બનાવ અંગે પોલીસને જાણ થતાં સલાબતપુરા પોલીસ દોડતી થઈ ગઈ હતી. ઘટના અંગે હત્યાના પ્રયાસનો ગુનો નોંધી તપાસ હાથ ધરી હતી. ઘટના અંગે મળતી માહિતી મુજબ, રોનીના મિત્ર કોમલ ઢક્કનની રૂપિયા બાબતે રોની અને રાહુલ વડાપાંઉ વચ્ચે રકઝક થઈ હતી, જેની અદાવત રાખી કાનજી અને તેના બે પુત્ર રોહિત તથા રાહુલે તલવારના આડેધડ ઘા માર્યા હતા, જેમાં રોનીના બંને હાથનાં કાંડાં કપાઈ ગયાં હતાં.
સલાબતપુરા પોલીસ મથકની હદ વિસ્તારમાં આવેલી માન દરવાજા ખટોદરા કોલોની ખાતે બનેલી ગેંગવોરની ઘટનામાં પોલીસે કુલ ત્રણ જણની ધરપકડ કરી છે. તલવાર વડે રોનીના હાથનાં કાંડાં કાપી દેવાયા બાદ ઘટના અંગે તેના સંબંધી બંટી પટેલે ફરિયાદ નોંધાવી હતી. બંટી પટેલની ફરિયાદના આધારે સલાબતપુરા પોલીસે ગિલાતર પિતા-પુત્રોની ધરપકડ કરી છે. તલવાર વડે હુમલો કરીને નાસી છૂટ્યા બાદ પોલીસે કાનજી ઉર્ફે કાનો મેઘજી ગિલાતર અને તેના બંને પુત્રો રોહિત અને રાહુલ વડાપાંઉની સામે હત્યાના પ્રયાસનો ગુનો નોંધી ધરપકડ કરી વધુ તપાસ હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
