Team Chabuk-Gujarat Desk: ગુજરાતના મહાનગર સુરતમાં જાહેરમાં એક મહિલાના વાળ એક મહિલાએ કાપી નાખ્યા. ઘટના બની ત્યારે આસપાસના લોકો મૂકપ્રેક્ષક બની તમાશો જોતા રહ્યા હતા. મહિલાને શંકા હતી કે આ યુવતીનું તેના પતિની સાથે ચક્કર ચાલી રહ્યું છે. આ સમગ્ર ઘટનાનો વીડિયો વાઈરલ થયો છે. જેમાં યુવતીને કેટલીક મહિલાઓએ પકડેલી છે અને એક મહિલા તેના વાળમાં જબરદસ્તી કાતર ફેરવી રહી છે. પીડિતા રાડો પાડતી રહે છે પણ કોઈ મદદ માટે આગળ નથી આવતું.
વાઈરલ થયેલો આ વીડિયો સુરતના તાતીથઈયા ગામનો છે. જ્યાં એક મહિલા દ્વારા યુવતીના જબરદસ્તી વાળ કાપવામાં આવ્યા. યુવતી ખૂદને બચાવવા માટે હવાતિયાં મારતી રહી હતી. આ યુવતીને બચાવવાની જગ્યાએ કેટલાક લોકો તેનો વીડિયો બનાવવામાં ઓતપ્રોત રહ્યા હતા. કેટલાક લોકો મહિલાના વાળ કપાતા જોઈ જાણે ગમ્મત ગુલાલ ચાલતું હોય એમ હસી રહ્યા હતા. પોલીસે પીડિત યુવતીનું નિવેદન લીધા બાદ કેસ ફાઈલ કર્યો છે.
પોલીસે આ સમગ્ર ઘટનામાં મુખ્ય આરોપી મહિલા સહિત અન્ય આઠ લોકોની ધરપકડ કરી છે. જેમાં બે પુરુષનો પણ સમાવેશ થાય છે. સુરતની એસપી ઉષા રાડાએ આ અંગે જણાવ્યું હતું કે, મહિલાને શંકા હતી કે યુવતીનું તેના પતિની સાથે અફેર ચાલી રહ્યું છે. આ શંકાના આધારે જ મહિલાને પકડવામાં આવી અને તેના વાળ કાપી નાખવામાં આવ્યા.
યુવતીના વાળ કાપી નાખ્યા તે મુખ્ય આરોપી મહિલાનું નામ સેકન્તી છે. સેકન્તીની સાથે ગોરી અને અન્ય બે મહિલાઓ પણ સામેલ હતી. સેકન્તીનો આ યુવતી સાથે પહેલા પણ ઝઘડો થયો હતો. આ ઝઘડા બાદ યુવતી પોતાના ઘરે મધ્યપ્રદેશ ચાલી ગઈ હતી. થોડા દિવસ બાદ તે કડોદરા આવી હતી. જે વિષે સેકન્તીને ખબર પડી ગઈ હતી. સેકન્તીએ આ યુવતીને પકડી લીધી હતી. આરોપ છે કે તેની સાથે પહેલા મારપીટ કરવામાં આવી હતી અને બાદમાં તેના વાળ ઉપર કાતર ફેરવી નાખવામાં આવી હતી.
આરોપી મહિલાઓ જ્યારે આ કરતૂત કરી રહી હતી ત્યારે આસપાસના લોકો તેને અટકાવવાની જગ્યાએ તેનું સમર્થન કરી રહ્યા હતા. અહીં હાજર કાપડની દુકાનના માલિકે જ મહિલાનાં વાળ કાપવા માટે અન્ય મહિલાને કાતર આપી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
