Team Chabuk-Gujarat Desk: સુરેન્દ્રનગર જિલ્લામાં ધોળા દિવસે દારૂડિયાએ આતંક મચાવ્યો હતો અને ઓટોરીક્ષાની આગળનો કાચ તોડી નાખ્યો હતો. આ ઘટના પછી કાયદો અને વ્યવસ્થાની સ્થિતિ ઉપર ફરી આંગળી ચીંધાઈ છે. છેલ્લા કેટલાક દિવસથી સુરેન્દ્રનગરમાં ચોરી, લૂંટફાટની ઘટનાઓ છાસવારે બની રહી છે. તેમાં હવે દારૂડિયાની આ હરકતે બળતામાં ઘી હોમવાનું કામ કર્યું છે. સૌ પહેલી વાત તો એ કે ગુજરાતમાં દારૂબંધી છે તો ભાઈશ્રી લાવ્યા ક્યાંથી?
ઘટનાની પ્રાપ્ત વિગતો કંઈક એવી છે કે સુરેન્દ્રનગર શહેરના ભારતપરા વિસ્તારમાં રહેતા અને ઠંડા પીણાનો વ્યવસાય કરતા દિલીપભાઈ પોતાની રીક્ષા લઈ રિવરફ્રન્ટ પરથી પસાર થઈ રહ્યા હતા. એ સમયે દારૂના નશામાં ચકચૂર એવા એક વ્યક્તિએ લોખંડનો પાઈપ ઝીંકી રીક્ષાની આગળના કાચને તોડી નાખ્યો હતો.
આ શખ્સની હરકતથી આસપાસના વિસ્તારમાં શાંતિથી વેપાર કરતા વેપારીઓમાં ભયનું લખલખું પસાર થઈ ગયું હતું. આ અજાણ્યા શખ્સની વિરૂદ્ધ સુરેન્દ્રનગર બી-ડિવિઝન પોલીસ સ્ટેશનમાં ફરિયાદ નોંધવવામાં આવી છે અને આરોપી પર કડકમાં કડક કાર્યવાહી કરવાનું કહેવામાં આવ્યું છે. હાલ પોલીસે આ દારૂડિયાને પકડવા માટે ચક્રો ગતિમાન કર્યાં છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
