Team Chabuk-Gujarat Desk: સુરેન્દ્રનગરના પાટડીમાં બેંક ક્લાર્કે યુવતીનું અપહરણ કરી દુષ્કર્મ આચર્યાની ફરિયાદ નોંધાઈ છે. આરોપ છે કે, પાડોશમાં જ રહેતા અને બેંક ક્લાર્ક તરીકે કામ કરતાં વિજય નામના શખ્સ સાથે યુવતીને પારિવારીક સંબંધો હતા. જ્યારે યુવતીના પરિવારજનો બહાર જતા ત્યારે આરોપી ફોટા વાયરલ કરવાની ધમકી આપી યુવતી પર દુષ્કર્મ આચરતો.
તાજેતરમાં જ યુવતી અચાનક ગૂમ થઈ જતા પરિવારજનો ચિંતિત બન્યા હતા. સગા-સંબંધી અને યુવતીના મિત્રોને ત્યાં તપાસ કર્યા બાદ પણ યુવતી ન મળતા પરિવારજનોએ પોલીસને પણ જાણ કરી હતી.
પોલીસને જાણ કર્યાના બીજા દિવસે પાડોશમાં રહેતો આરોપી યુવાન પણ ફરાર થયો હતો. પોલીસને આ બેંક ક્લાર્ક પર શંકા જતાં તેમણે એ દિશમાં તપાસ હાથ ધરી હતી. ત્યારબાદ બેંક ક્લર્કના મોબાઈલ લોકેશનના આધારે પોલીસ અમદાવાદ પહોંચી હતી અને લોકેશનના આધારે આરોપીને અમદાવાદની હોટલમાંથી પકડી પાડ્યો હતો.
ફરિયાદી યુવતીએ આરોપ લગાવ્યો છે કે, આરોપી વિજયે ફોટા વાયરલ કરવાની ધમકી આપીને તેની પર એક મહિનામાં ત્રણ વાર દુષ્કર્મ આચર્યુ હતું.
આરોપીએ હોટલમાં યુવતીને પણ ગોંધી રાખી હતી. આરોપ છે કે, બેંક ક્લાર્ક યુવતીનું અપહરણ કરી અમદાવાદ લઈ આવ્યો હતો અને હોટલમાં યુવતી પર દુષ્કર્મ આચર્યું હતુ. હાલ પોલીસે યુવતીનું નિવેદન લઈ આરોપીની ધરપકડ કરી છે અને આરોપી વિરુદ્ધ અપહરણ અને દુષ્કર્મનો ગુનો નોંધ્યો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
