Team Chabuk-Gujarat Desk: સુરેન્દ્રનગર જિલ્લાના ચોટીલા પંથકમાં માનસિક રીતે બીમાર એક યુવતી પર ત્રણ પ્રોઢે અવારનવાર દુષ્કર્મ આચરી પોતાની હવસ સંતોષી હતી. આ યુવતી બે દિવસ પૂર્વે કુંવારી માતા બની છે. પોલીસે આ ત્રણે નરાધમ પ્રોઢને પકડી પાડ્યા છે અને આગળની કાર્યવાહી હાથ ધરી છે. બાળકના નામની પાછળ તેની માતાનું નામ લખવામાં આવ્યું હતું. બે દિવસ પૂર્વે જન્મેલા આ બાળકને શનિવારે રાજકોટની ચિલ્ડ્રન હોસ્પિટલ ખાતે દાખલ કરવામાં આવ્યું હતું. આ ઘટના સામે આવ્યા બાદ સમગ્ર ચોટીલા જિલ્લામાં ચકચારી મચી જવા પામી છે.
આ સમગ્ર ઘટના અંગે યુવતીની નાનીએ પોલીસને જણાવ્યું હતું કે, બાળકની માતા 18 વર્ષની છે અને કુંવારી છે. આજથી આઠેક મહિના પૂર્વે ગામની સરકારી શાળાના બાથરૂમમાં લઈ જઈ આંબા, માધા અને કાનાએ તેની સાથે શરીર સંબંધ બાંધ્યા હતા. જેથી યુવતી કુંવારી માતા બની હતી.
ઘટના અંગે રાજકોટ પોલીસે ચોટીલા પોલીસને જાણ કરી હતી. ચોટીલા પોલીસ ગામમાં પ્રવેશી હતી અને ત્રણે નરાધમ પ્રોઢને પકડી પાડ્યા હતા. આ વિશે યુવતીની બહેને કહ્યું હતું કે, યુવતી માનસિક રીતે બીમાર છે. કુલ છ ભાંડેળામાં એ ચોથા નંબરની છે. ત્રણે આરોપીઓમાં કાનો અને માધો પ્રોઢ છે અને તેમના ઘરે પૌત્ર છે. આ ત્રણે શખ્સોએ યુવતીની બીમારીનો ગેરલાભ ઉઠાવી તેના પર અનેક વખત કુકર્મ આચર્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
