Team Chabuk-Gujarat Desk: હોલિવુડ ફિલ્મ કેચ મી ઈફ યુ કેનની માફક કેટલાક ગુનેગારો પોતાની શાતિર બુદ્ધિ વાપરી પોલીસની ચુંગાલમાંથી છટકતા રહેતા હોય છે. આવી જ એક વાર્તા સુરેન્દ્રનગરના આરોપીની છે. અલબત્ત આ કોઈ વાર્તા નહીં પરંતુ સત્ય ઘટના છે. આરોપી 22 વર્ષથી એક ગુનામાં ફરાર હતો અને હવે જબ્બે થયો છે. આ આરોપીએ ગુનો શું કર્યો હતો ? પેટ્રોલ પમ્પમાં લૂંટ મચાવી હતી. જેવી બાતમી મળી એ સાથે જ મોરબી પેરોલ ફર્લો સ્ક્વોર્ડની ટીમે આરોપીને પકડી પાડ્યો હતો અને તેની વિરૂદ્ધ કાયદેસરની કાર્યવાહી કરી હતી.
આ અંગેની પ્રાપ્ત વિગતો મુજબ, વિવિધ ગુનાઓમાં ફરાર રહેલા આરોપીઓને પકડી પાડવાની સૂચના મળતાની સાથે જ મોરબી પેરોલ ફર્લો સ્ક્વોર્ડની ટીમ સતર્ક થઈ ગઈ હતી. હળવદ પોલીસ મથકના ચોપડે નોંધાયેલ પેટ્રોલ પમ્પ ઉપર થયેલી લૂંટનો આરોપી છેલ્લા બાવીસ વર્ષથી પોલીસ સકંજાથી નાશતો ફરતો હતો. આ આરોપી ગાંધીધામ-ભુજ પાસે હોવાની માહિતી મળતા તાબડતોડ મોરબી પેરોલ ફર્લો સ્ક્વોર્ડની ટીમ ગાંધીધામ પહોંચી હતી.
અહીં ગાંધીધામ પાસેથી હળવદમાં નોંધાયેલા પેટ્રોલ પમ્પની લૂંટનો આરોપી હતો. આરોપીનું નામ પ્રેમસિંગ ઉર્ફે તુલસીમ ઉર્ફે રમેશ જોગડભાઈ મુનિયા. જેને ઝડપી પોલીસે ધોરણસરની કાર્યવાહી હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
