સુરેન્દ્રનગર: ‘ઘરમાં દારૂ છે…’ એવું પત્નીએ પોલીસને કહી દેતાં પોલીસે ટીન સાથે તલાટીની ધરપકડ કરી

Team Chabuk-Gujarat Desk: દારૂ ધીમું ઝેર છે. એ કોઈને કોઈ રીતે નુકસાન કરતું જ હોય છે. સુરેન્દ્રનગરના તલાટીને તો દારૂ પીધા વગરનો જ નુકસાન કરી ગયો છે. ઘટના કંઈક એવી છે કે સુરેન્દ્રનગર જિલ્લાના ચોટીલા તાલુકાના પિયાવા ગામ ખાતે તલાટી તરીકેની ફરજ બજાવતા વિજય વશરામભાઈ ઘરે દારૂની બોટલ લઈ આવ્યા હતા. ઘરમાં દારૂની બોટલનો પ્રવેશ થતાં પત્ની ગુસ્સે ભરાઈ હતી અને પોલીસ સ્ટેશનમાં ફોન કરી દેતા પાર્ટી કરવા ઈચ્છુક તલાટી સીધા જેલ ભેગા થઈ ગયા હતા.

તલાટીની ધરપકડ થયા બાદ હવે આખા ગામમાં એક જ વાત પ્રસરી ગઈ છે કે તલાટીની વિરુદ્ધ કોઈ કાયદેસરની કાર્યવાહી થશે કે કેમ? આ સમગ્ર ઘટના કંઈક એવી છે કે સુરેન્દ્રનગર જિલ્લાના ચોટીલા તાલુકાના પિયાવા ગામે વિજયભાઈ તલાટી મંત્રી તરીકેની નોકરી કરે છે. તેમની પત્નીએ પોલીસને જાણ કરી દીધી હતી કે ઘરમાં એક ઈંગ્લીશ દારૂનું ટીન મળી આવ્યું છે. પોલીસ તાત્કાલિક ઘટનાસ્થળે પહોંચી હતી જ્યાંથી તેમને ટીન અને તલાટી બંને હાથ લાગી ગયા હતા.

હવે જોવાનું એ રહે છે કે પત્નીની બાતમીના આધારે ધરપકડ કરાયેલા તલાટીની ઘટનામાં કોઈ મોટો વળાંક આવે છે કે નહીં. ગુજરાતમાં તો દારૂબંધી છે. એવામાં સરકારી કર્મચારીના હાથમાં ક્યાંથી આવી ગયો? ક્યાંથી આવ્યો? કોણ લાવ્યું? આવો સવાલો ઊભા થઈ રહ્યા છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત