રતન ‘ટાટા’- દેશના જાણીતા ઉદ્યોગપતિ રતન ટાટાનું નિધન, વડાપ્રધાને રતન ટાટા વિશે કહી આ વાત

Team Chabuk-National Desk: ભારતના જાણીતા ઉદ્યોગપતિ અને ટાટા ગ્રુપના પૂર્વ અધ્યક્ષ રતન ટાટાનું (Ratan Tata) ગઈકાલે રાત્રે નિધન થયું છે. રતન ટાટાએ દુનિયાને અલવિદા કરી દીધું છે. રતન ટાટા છેલ્લા કેટલાક દિવસથી બીમાર હતા. જેથી તેઓને છેલ્લા ચાર દિવસથી મુંબઈની બ્રીચ કેન્ડી હોસ્પિટલમાં દાખલ કરાયા હતા. આ દરમિયાન તેમણે હોસ્પિટલમાં જ 86 વર્ષની વયે છેલ્લા શ્વાસ લીધા છે. રતન ટાટાના નિધનથી ઉદ્યોગજગત સહિત ભારતભરમાં શોકનું મોજું ફરી વળ્યું છે.

બુધવારે રાત્રે જ તેમના પાર્થિવ દેહને હોસ્પિટલેથી ઘરે લાવવામાં આવ્યો હતો. તેમના પાર્થિવ દેહને અંતિમ દર્શન માટે મુંબઈના નેશનલ સેન્ટર ફોર પરફોર્મિંગ આર્ટ્સ હોલમાં રાખવામાં આવશે. આજે ગુરુવારે સવારે 10 થી બપોરે 3.30 વાગ્યા સુધી લોકો અહીં તેમના અંતિમ દર્શન કરી શકશે. મહારાષ્ટ્રના મુખ્ય પ્રધાન એકનાથ શિંદેએ કહ્યું કે, રતન ટાટાને રાજ્ય સન્માન સાથે અંતિમ વિદાય આપવામાં આવશે.

રતન ટાટાના પરિવાર તરફથી એક નિવેદનમાં કહેવામાં આવ્યું છે કે અમે શ્રી રતન એન ટાટાને વિદાય આપીએ છીએ તે ખૂબ જ દુઃખ સાથે છે. રતન એન ટાટાના પાર્થિવ દેહને ગુરુવાર, 10 ઓક્ટોબર, 2024 ના રોજ સવારે 10:30 વાગ્યે NCPA લૉન, નરીમાન પોઈન્ટ, મુંબઈ ખાતે લઈ જવામાં આવશે, જેથી સામાન્ય લોકો દિવંગત આત્માને શ્રદ્ધાંજલિ આપી શકે. અમે સામાન્ય જનતાને ગેટ 3 દ્વારા NCPA લૉનમાં પ્રવેશવા અને ગેટ 2 દ્વારા બહાર નીકળવાની વિનંતી કરીશું. પરિસરમાં પાર્કિંગની સુવિધા રહેશે નહીં. બપોરે 3.30 કલાકે મૃતદેહને અંતિમ સંસ્કાર માટે લઈ જવામાં આવશે. તેમના પાર્થિવ દેહને વરલીના સ્મશાનગૃહમાં લઈ જવામાં આવશે. આ એ જ જગ્યા છે જ્યાં સાયરસ મિસ્ત્રીના અંતિમ સંસ્કાર કરવામાં આવ્યા હતા.

વડાપ્રધાન નરેન્દ્ર મોદીએ પણ રતન ટાટાના નિધન પર શોક વ્યક્ત કરતાં એક્સ પર પોસ્ટ લખી કે- રતન ટાટા મોટા સપનાઓ જોતાં હતા અને અન્યને કંઈક આપવાનું તેમનામાં જુનુન હતું. તેઓ શિક્ષણ, સ્વાસ્થ્ય, સ્વચ્છતા અને પશુ કલ્યાણ જેવા મુદ્દાને આગળ વધારવા માટે હંમેશા આગળ રહ્યા. રતન ટાટાએ ટાટા ગ્રુપને સ્થિર નેતૃત્વ પ્રદાન કર્યું. પોતાની વિનમ્રતા, દયાળુ સ્વભાવ અને સમાજને વધુ સારો બનાવવા માટેની અતૂટ પ્રતિબદ્ધતાના કારણે તેઓ ઘણા લોકોના પ્રિય બની ગયા હતા.

One of the most unique aspects of Shri Ratan Tata Ji was his passion towards dreaming big and giving back. He was at the forefront of championing causes like education, healthcare, sanitation, animal welfare to name a few. pic.twitter.com/0867O3yIro

— Narendra Modi (@narendramodi) October 9, 2024

રતન ટાટાનો જન્મ 28 ડિસેમ્બર 1937ના રોજ થયો થયો હતો. તેમણે શરૂઆતનું શિક્ષણ મુંબઈમાં અને ઉચ્ચ શિક્ષણ અમેરિકાના આર્સ્ટિન વિશ્વવિદ્યાલયમાંથી લીધું હતું. 1962માં ટાટા ગ્રુપમાં સામેલ થયા બાદ તેમણે અનેક મહત્વપૂર્ણ પદો પર કામ કર્યું અને છેલ્લે 1991માં ટાટા ગ્રુપના ચેરમેન બન્યા. ટાટા ગ્રુપના ચેરમેન હતા ત્યારે તેમણે અનેક નવી કંપનીઓ સ્થાપી. જેમાં ટાટા નેનો, ટાટા મોટર્સ, અને ટાટા સ્ટીલનો સમાવેશ થાય છે. 

પ્રખ્યાત ઉદ્યોગપતિ રતન ટાટાના નિધન પર શ્રદ્ધાંજલિ આપતા મહારાષ્ટ્ર અને ઝારખંડ સરકારે ગુરુવારે એક દિવસનો રાજ્ય શોક જાહેર કર્યો છે. રતન ટાટાના નિધન પર શોક વ્યક્ત કરતાં ઝારખંડના મુખ્ય પ્રધાન હેમંત સોરેને જણાવ્યું હતું કે પછાત રાજ્યને વિશ્વમાં ઓળખ અપાવનાર ટાટા ગ્રૂપના ભૂતપૂર્વ ચેરમેન પદ્મ વિભૂષણ રતન ટાટાના નિધન પર એક દિવસનો રાજ્ય શોક જાહેર કરવામાં આવ્યો છે. ઝારખંડ જેવો દેશ.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત